英國小王子佐治聽日(7月22日)就一歲生日啦！
為咗慶祝呢個大日子，早前英國王室就公佈左一張佐治嘅相，見到小王子已經識行識企，非常活潑可愛。呢張相喺幾個星期前影，當時小王子參觀緊倫敦自然歷史博物館，見到佢已經可以自己行路，唔需要父母幫手。而小王子身穿嘅淺藍色工人褲更加喺發相後冇耐就售罄，可見王子嘅受歡迎程度爆哂燈！
王室成員嘅足歲生日一向都低調慶祝，佐治王子都唔例外。早前外婆卡洛(Carole)就幫王子搞咗個以賓尼兔為主題嘅party，只係接待親朋戚友；而聽日嗲哋媽咪────劍橋公爵同夫人將會喺佢地住嘅肯辛頓宮幫囝囝慶祝。
資料來源：BBC新聞網
