有左小孩之後聖誕節就會留意有乜聖誕好去處。今日我地就去左位於佐敦既國際幼稚園Mount Kelly嘅Christmas Fair玩，由於Elly 系度返playgroup，所以我地一早就已經上網報名，重點係開放給任何人人，完全免費架！
一入到去就覺得原來佢地方都好寬敞，環境舒適，玩具都好新淨。佢地有個衣帽間，除鞋之後我地就去reception登記。佢派左張飛俾Elly 玩，只要玩遊戲集齊印仔就可以換派禮物，一共2份。
有各種遊戲同玩具任你玩。亦都有手工、非洲鼓，每間班房都有外籍老師負責帶領。Elly 最喜歡個廚房。
Elly 初初好怕非洲鼓，不過玩落都接受。
我地玩呢層地方好大，系主要俾k學生上堂。我最欣賞佢地個toy library。
之後黎到n班既班房。由於我同Elly 姐報左呢到n班，所以老師有同我介紹一下佢地既課程。我覺得老師d英文真係堅靚。N班班房冇K甘大，但玩具好充足，都睇到我流晒口水。
喺n班房老師同小朋友circle time。
儲唒印仔之後可以換禮物，仲有試堂券同波波池券。不過波波池playgroup平時去開，所以我地留俾其他人玩。
呢張試堂卷我會留俾細佬玩。佢開放3小時，我地差唔多都玩足。我非常期待Elly 之後既n班，遲d同大家分享！
