擁有逾75年歷史、喺全球廣受喜愛嘅繪本「好奇猴喬治（Curious George）」，已經登陸日本環球影城新遊樂設施「一齊玩的好奇猴喬治」喇！
通常家長都會擔心年紀太細嘅小朋友去到大型樂園會好多嘢都玩唔到，但環球影城一向貼心，除咗一直廣受小朋友歡迎嘅Wonderland兒童樂園，今次呢項「一齊玩的好奇猴喬治」互動表演都啱晒小朋友！表演用咗投影技術配合舞者、道具同埋動畫，加埋特殊噴風、泡泡等互動效果，畀小朋友體驗同喬治成為好朋友，一齊跳舞！
見到呢個牌就係睇「一齊玩的好奇猴喬治」嘅劇場喇！
開場首先會見到卡通製作人，原來佢喺度製作緊「好奇猴喬治」嘅卡通片呀！
佢話好奇猴喬治唔見咗，問小朋友見唔見到佢～
小朋友好快就搵到好奇猴喬治喇！一齊揮手Say Hello！
好奇猴喬治走嚟走去滿場飛，大人都睇到樂在其中！
好奇猴喬治最鍾意郁郁手、郁郁腳，同各位小朋友一齊跳舞！你睇大家玩得幾開心！～
故事講到噴泡泡嘅時候，現場就真係噴咗啲彩虹泡泡出嚟！
睇完約二十分鐘嘅Show， 會見到好奇猴喬治喺出面等大家！
仲有好多親子互動嘅遊戲區！
好奇猴喬治毛公仔同多款精美產品，小妹妹睇到愛不釋手！
溫馨提示～
夏天係施遊旺季，日本環球影城特別多人，部分遊樂設施分分鐘要排隊一小時或以上，所以如果想玩得盡興，建議出發前買定快速通行券，可以慳返好多排隊時間！
購票詳情可參考以下連結：
日本環球影城™ 1日電子門票
日本環球影城特快™入場券 4
部分照片提供：日本環球影城
特別鳴謝：KLOOK
