東華慈善嘉年華開幕一星期以來，評語好壞參半，昨日小編就親身到訪現場，為各位想去嘉年華玩的讀者一探虛實。
正值學校假期，不少爸媽都特地跟公司請假帶小朋友去玩，小編於下午時段到訪，都有頗多家庭前來遊玩。
數最受小朋友歡迎的，一定是6層樓高的「超級紐約滑梯」，滑梯呈波浪形狀，睇見都興奮，自細鍾意瀡滑梯的小編當然立即同小朋友一齊排隊試玩。
只要身高滿100cm就玩得，好多小朋友都急不及待，他們真係好簡單，一條高點的滑梯，已叫他們興奮不已。現場所見，好多家長希望同小朋友一齊瀡，但都一一被小朋友拒絕！「我想自己玩呀！」「我自己瀡得架喇！」應該傷了不少爸媽的心！
工作人員會派發一個「特製滑板」，小朋友要自己拎住行上6層樓高的斜路，其實都真係頗斜，小朋友上到去都有點喘氣。
抖完啖氣，工作人員就會叫大家坐在「特製滑板」入面，其實係一個尼龍質地的袋狀物體，將雙腳套進去，雙手提著袋口交叉胸前。
工作人員會問你準備好未，由於小編掛住望條滑梯同下面細細粒的人仔，隨意就應了聲「好」。原來你一準備好，工作人員會推你下來的，加埋「特製滑板」，速度都幾快！由於小編未有心理準備，嚇到個心離一離，忍不住尖叫了幾下，然後就覺得好好玩呀！加上每去到波浪位都拋一拋，特別刺激！
超級紐約滑梯
身高限制：100cm
$40/次
「超級紐約滑梯」係唯一一個大人小朋友都玩得的遊樂設施，至於其他兒童機動遊戲，恕小編無法寫試玩報告了。以下幾個是現正開放的兒童機動遊戲同遊樂設施：
迷你小鞦韆 $30/次
亞馬遜漂流記 $20/次
極速滑梯 $30/次
充氣彈床 (共兩款)
Hot Wheels跑道及交通安全城
設置全長超過100米，全港首個Hot Wheels跑道，小朋友可以一試身手，在跑道上風馳。
Mega Bloks大型積木池
小朋友可在積木池中選取喜歡的積木，隨意創作出不同組合。亦可在「Mega Bloks 動物園」與多款大型Mega Bloks積木砌成的可愛小動物拍照留念。
攤位遊戲的獎品公仔幾靚，但遊戲以力量為主，最好由爸爸大顯身手。
場內還有些兒童機動遊戲正在裝嵌或測試中，如小飛象、迷你過山車、迷你海盜船、碰碰車，以及好期待的雙層木馬。
如果全部裝好後，很適合小朋友去玩。所以建議大家不用急於今個除夕元旦假期去玩，等到一月底大部份兒童機動遊戲準備就緒再去也不遲，反正開放至三月啊！
東華慈善嘉年華
日期：即日起至2016年3月28日
地點：前啟德機場跑道 (啟德郵輪碼頭旁空地)
開放時間：
2015年12月23日至2016年1月3日
上午11時至下午11時
2016年1月4日起
星期一至四：下午3時至11時
星期五、六、日及公眾假期：上午11時至下午11時
最後入場時間：活動結束前45分鐘
票價：
一般門票－$180 (包括機動遊戲HK$120、攤位遊戲HK$40及入場費HK$20)
旅行社優惠門票－$298 (包括機動遊戲HK$260、攤位遊戲HK$40及入場費HK$20)
優惠票查詢：3589 6866
*3歲以下幼童 ，65歲以上長者及殘疾人士，免費入場。
