有無諗過食恐龍蛋? 當然係偽造的恐龍蛋，雖然成個過程有探索、訓練小肌肉和發展手眼協調的元素，不過小朋友全部過程都係玩住咁愉快地經歷咗以上的階段，簡直是寓學習於玩樂的好例子之一，小朋友食既時候仲會有好多創意發揮，增加親子溝通既機會！
(難度：最難烚蛋 / 製作時間 : 20-30分鐘 / 玩樂時間：直至小朋友食埋隻蛋為止)
材料都係非常簡單：
1, 已烚熟既雞蛋
2, 食用色素(烘培店或超級市場有售)
3, 碗(一個碗一種顏色)
4, 水
步驟一：滴兩三滴食用食素到碗中
步驟二：輕輕地把蛋殼敲碎至有裂紋即可
步驟三：把水倒入碗中，然後把已敲至蛋殼有裂紋的雞蛋放到碗中，水浸過蛋，浸約十五分鐘
步驟四：浸完後，可撕開蛋殼，恐龍蛋出黎啦！
注意恐龍蛋出沒！
(如果成隻蛋殼撕開哂黎浸，就會好似隻粉紅色蛋咁，加埋其它顏色既色就會變成彩色蛋)
