熱切期待嘅一田購物優惠日終於來臨！大家有冇去趁下熱鬧？定係已經搶到筍貨喇？我哋一早做好晒功課，想買嘅嘢實在太多，要講肯定有排講。不如睇下我哋最終買到啲咩筍嘢仲好啦！(編按：一田購物優惠日由即日起至11月28日止)
未到達一田已經感覺好熱鬧喇！買喼嘅人潮一浪接一浪，場面幾咁墟冚！
首先去床品部買床單套裝先，心儀嘅Tsum Tsum款式已經沽清！原來限售100套可以咁快賣晒。
跟住過去展銷場買運動鞋，點知想買果款已經冇晒我碼喇！嗚嗚……
接住去玩具部幫晴朗睇玩具。勁迫人，簡直係水洩不通呀！不過啲玩具確實係幾抵買。好多都「幾十蚊」就有交易，有啲仲減咗幾十至幾百不等。
Cashier條人龍有啲令人望而卻步，排咗半個鐘，終於輪到我畀錢喇！
由於時間關係，只係隨意買咗兩份玩具，lunch time過後要趕番公司。其實玩具種類好多，每款價錢都勁吸引，睇到有啲唔知點落手。
(左) 積木搖控車：原價$169，減至$99【抵買】
(右) 恐龍大時代玩具：原價$169，減至$120【抵買】
買得咁少，放工一於再去血拼過！晚上場面更加墟冚，職員不停補貨，想買超筍價果盒泥膠玩具都要排隊先攞到呀！
大戰完玩具部之後，轉移陣地至超市。嘩！長野香印好平呀！
芝士$45/3包，我冇睇錯丫嘛？
掃完貨排隊結賬去，原來超市條隊仲恐怖，行咗好耐至搵到龍尾……打晒蛇餅跟住S形咁向前行。
途中會經過不少貨架，好自然會不自覺見到啱嘅又放啲落去購物籃。越放越多，就嚟爆籃喇！
20:00進入超市，20:25開始排隊，21:25到達cashier。原來足足用上了一小時來排隊畀錢！回家後才發現我原來可以咁強，一個女人仔居然拎到咁多嘢！
至開心梗係晴朗啦！媽媽辛苦啲又算得係啲咩丫。
以下落嚟！為大家介紹放工後到一田狂掃狂搶番來嘅貨。
(左) Lego卡通鬧鐘：原價$299.9，減至$129【抵買】
(右) 無線藍芽耳機： 原價$299，減至$99【超抵買】
(左上) 培樂多雪糕甜品之二重奏：原價$199.9，減至$59【超超超抵買】
(左下) Tsum Tsum反斗遊樂場：原價$279.9，減至$120【抵買】
(右) Frozen冬甩層層疊：特價$80
(左上) 四海碗仔翅：原價$10.9/1碗，減至$15.9/3碗【抵買】
(左下) 總統牌三文治切片芝士：原價$29.9/1包，減至$45/3包【超抵買】
(右上) 真打稻庭手打急凍烏冬(5個裝)：原價$59.9/1包，減至$53.9/2包【超抵買】
(右中) 日本桐乃井和牛漢堡扒(2件裝)：原價$120，特價$58【超抵買】
(右下) 四海海皇燒賣：原價$16.9/1包，減至$13.9/2包【抵買】
(上左)日本九鬼芝麻油：原價$37.5/1樽，減至$36.9/2樽【抵買】
(上中) 新東陽豬肉鬆：原價$72，減至$40.9【抵買】
(上右) 長野香印提子：特價$158【抵買】
(下左) 龍角散清爽喉糖：原價$19.9/1包，減至$29.9/2包【抵買】
(下右) 馬玉山黑芝麻粉(400g)：原價$61.5，減至$39.9【抵買】
(上左) 固力果雜錦脆筒：原價$29.9，減至$19.9【抵買】
(上右) 佐臣炭燒帆立貝(原味) ：原價$138，減至$99.9【抵買】
(下左) 果道太郎魚柳：原價$99，減至$48.9【抵買】
(下右) Calbee薯條先生：原價$29.9/1盒，減至$29.9/2盒【超抵買】
(右) 麥提莎即沖麥芽朱古力：原價$29.9，減至$19.9【抵買】
(左) 牧原厚切年輪蛋糕：原價$35.9/1包，減至$46.9/2包【抵買】
一田購物優惠日吸引咗一大批精明眼到來掃貨，雖然好多人，但場內都幾多職員維持秩序，排隊秩序良好。而且職員都能夠為貨架及時補上貨品，我想買嘅都差不多買齊晒。不過人真係太多，有時太迫會十分之擁擠，為安全起見，大家都唔好帶小朋友去掃貨喇！最好搵埋親友一同加入戰團，一個先排隊，另一個去掃貨，再輪流替換，咁就可以更有效去完成整件事啦！
一田百貨 (YATA)
網址：http://www.yata.hk/tch
Facebook：https://www.facebook.com/yatahk
推出一田購物優惠日之6間分店：
沙田店：香港沙田新城市廣場第三期二樓及部份三樓
大埔店：大埔安邦路8及10號 大埔超級城B區一樓及部份二樓
荃灣店：荃灣廣場2-4樓
屯門店：屯門鄉事會路83號V city地下
新蒲崗店：九龍新蒲崗太子道東638號 Mikiki LG
觀塘店：九龍觀塘觀塘道418號 APM LG
相關閱讀：
