2019-08-11

11.8K

【包媽孕記】公立醫院執走佬懶人包(實戰後清單)

臨近預產期,朋友成日問:「執好走佬袋未呀?」特別係選擇喺公立醫院生產,就更多嘢要準備,其實生仔啫做咩要走佬?走佬袋又係乜嘢嚟?

因為BB絕大多數都唔係喺預產期出世,早一兩日一兩星期甚至一兩個月又有,逾期居留一星期至十日都有,又唔知係穿水見紅定陣痛先,有朋友穿水後3個鐘剛到醫院無耐就就生咗,真係好刺激架﹗執定走佬袋,準備好入院用品到時拎起個袋就走,兵慌馬亂之際唔怕拎漏嘢。

更多文章:【公立醫院走佬袋】小包媽孕記之公院走佬袋攻略

【包媽孕記】QE順產27小時全記錄(上)[極長文慎入]

【包媽孕記】QE順產27小時全記錄(中)[極長文慎入]

喺唔同醫院生BB要拎嘅嘢都有分別,私家醫院有入院禮物包,基本上拎個人用品就可以,公立醫院就唔使拎睡衣要統一著粉紅色病人服。醫院有提供清單,陪月又有俾張我。

更多文章:【生B秘笈】公立醫院 Vs 私家醫院 6大分別逐個睇!

經過實戰後,以下呢個LIST係我喺QE順產有用到嘅物資,以唔同用途分成3袋,整理出嚟俾大家參考:

走佬袋
第一袋:隨身

1. 身份証+伴侶身份証副本 (老公有陪同入院有正本都ok)
2. 產科紀錄卡 (24周後產檢時俾,一定要拎埋去B4入院)
3. 少量現金+八達通 (有需要時可以去買嘢食)
4. 手機+外置充電+充電線 (公院唔俾插電制充電架﹗)
5. 潤唇膏 (喺產房嗌到聲勢力遏無水飲,朋友真係乾到爆擦,可以叫老公幫手搽)
6. 梳(生完姑娘會幫手影全家福,為免太似癲婆拎定到時叫老公整理下)

【包媽孕記】伊利沙白醫院QE L block登記方法及第一次產檢流程分享

第二袋:醫院用物資

媽媽用:
- 生理沖洗瓶(生完每次去洗手間沖傷口)
- 網褲1包(入院後產前產後都要用嚟貼孕婦衛生巾)
- 乳墊3對(未完全上奶最終無用到)
- 貼裝孕婦衛生巾1包(公院LIST寫要扣裝,問過姑娘貼裝都無問題)
- 即棄床墊1包(產前每次Check完度數又羊水又血都要換)
- 盒裝紙巾1盒
- 束腹帶1條(生完係完全無心情用,可以唔拎)
- 乳頭羊脂膏1支(諗住餵人奶嘅媽媽最好帶,最初好易俾BB咬損)
- 個人護理用品(面霜、梳、牙膏牙刷、眼鏡、手霜、沐浴露等)潔膚及護膚用品
- 有帽外套一件(坐月唔好入風,拎定無壞)
- 拖鞋(公院要自攜架)
- 外置充電(拎多2個或每日叫家人一換一,以免無電失聯)
- 口罩(自己入院出院,同埋家人探病唔記得拎都有得用)
- 炒米茶3包
- 小盆&薑粉1包(裝水洗手,產後房水喉出偏熱溫水,唔講究可以唔帶)
- 杏仁粉/黑芝麻粉/梳打餅(肚餓時食,生完不停餵奶湊B堅餓﹗)
- 保溫壺(焗炒米茶,醫院每個床位有一壺熱水)

更多文章:【胎兒成長】準媽媽必收藏!初期懷孕徵兆+嬰兒成長階段+懷孕週期胎兒大小

【包媽孕記】大愛仙氣孕照(同場加映閨密照靚相)

BB用:
- 初生尿片1包(最後一次私家產檢睇bb大約幾重,選擇買0碼或NB,初生約一日10片,細包三十片左右正常順產夠用到出院)
- BB濕紙巾家庭裝1包(胎便好似立青咁超難清潔,拎家庭裝方便D)
- PAT PAT膏1支(每次換完片搽)
- 紗巾3條

【包媽孕記】孕期最後一個關卡: QE做B鏈檢驗

第三袋:出院袋 (入院唔使拎,出院前一日家人先拎到醫院)
- BB出院衫(綁帶和尚袍、面衫、包被、手套、襪、帽)

- 媽咪出院衫(內衣褲、上衣、LEGGING、襪、鞋、帽、頸巾)

如果覺得有用的話,留言同我講聲加油或者留個腳印,我就已經好開心啦 =)

【編按:以上內容為作者之個人意見及立場】

相關文章

【生B秘笈】公立醫院 Vs 私家醫院 6大分別逐個睇!

【生產分享】聯合醫院開刀全紀錄 (超長文含走佬袋清單)

【懷孕分享】入院前必睇 詳盡「走佬袋」用品list

緊貼新冠肺炎最新相關資訊