2020-04-17

25.9K

【公立醫院走佬袋】小包媽孕記之公院走佬袋攻略

包媽懷孕已經到37週啦~ 即係話冬甩妹妹已經足月,準備好隨時出世啦~ 經過上胎經驗,今次真係好遲先準備我嘅「走佬袋」!由於包媽係會係公立醫院生,所以對比私家醫院生嘅媽媽,「走佬袋」就更加重要,因為公立醫院要帶嘅物品會比較多~ 我將「走佬袋」分成3個部分~ 方便自己同包爸拎~

想知更多入院必備清單,請按 #走佬袋

BKmall為你網羅全城至筍至熱 走佬袋套裝:詳情請按


第一袋係入院袋~ 主要係入院時即時需要用到嘅物品~

更多文章:【生B秘笈】公立醫院 Vs 私家醫院 6大分別逐個睇!

更多文章:【胎兒成長】準媽媽必收藏!初期懷孕徵兆+嬰兒成長階段+懷孕週期胎兒大小

媽媽用品:

1. 大小毛巾

有啲媽媽諗住唔會係醫院沖涼就唔擺大毛巾,其實大毛巾除左沖涼用之外,仲方便你穿大水嘅話,可以用黎包裹下身,咁去搭的士就唔怕整污糟人地架車啦~

2. 產婦M巾

包媽用呢個牌子係for敏感肌,質地好柔軟舒服,而且可以按惡露嘅用番唔同尺寸~

3.網褲
4.梳洗用品
5. 紙巾
6. 濕廁紙

特別係順產媽媽,用濕廁紙清潔下陰會乾淨啲又唔怕有紙巾碎痴住~

7. 沖洗瓶

包媽上胎最後係開刀,但都覺得沖洗瓶有用!順產媽媽要照顧下陰傷口需要沖洗,但開刀媽媽冇得沖涼,沖洗完先換M巾真係清爽舒服好多!

8. 小環保袋

次次去廁所都要帶咁多野,一個小環保袋裝好晒就最方便!

9. 束腹帶

上胎冇經驗所以冇用過,但見其他媽媽用左束腹帶,真係對復原有幫助!特別係開刀嘅媽媽,束腹帶仲可以保護傷口~ 但政府醫院比較難預計會順產定開刀,所以包媽就揀左呢款順剖兩用嘅款式~ 生完去番產後房,可以同姑娘或者姨姨講你有束腹帶,佢地會幫你手戴~

10. 水杯
11. 保暖杯
12. 拖鞋(包媽冇影到係相度...)

唔好帶人字拖或者有踭嘅拖鞋入院!因為會比較容易受傷跌倒!帶橫條就咁穿入去果啲就ok啦~ 如果要買新嘅,包媽建議大家買對廁所浴室用果種拖鞋~ 一來防水,二來比較防滑~ 會安全好多ga!

13. 叉電器及線

好重要!記得帶埋條線丫!上胎入院發覺都幾多人會忘記左...

14. 入院文件

記得帶埋BB爸爸嘅身分證副本,如果有其他文件,例如入院紙,醫院/診所report(如果有需要帶嘅話,通常產檢時醫生會提醒你,否則一般都會係醫院紀錄度有),分娩球班證書等等,都可以放埋入袋

BKmall為你網羅全城至筍至熱 走佬袋套裝:詳情請按

更多文章:【貼地版】公立醫院執走佬袋攻略

BB用品:

1.初生尿片

通常初生BB一日可以換到6-10條片,所以「走佬袋」放一日量已經足夠,如果有sample可以先用~ 其餘嘅叫屋企人探病先帶黎啦~

2.濕紙巾

第二袋係備用品~ 呢啲係唔夠用要再拎或者係未有需要即時用,俾包爸黎探病先拎黎嘅物品~

1. 產婦M巾

如果好似包媽咁唔係買啲咁common嘅牌子仲要分尺寸嘅話,最好自己擺好係袋,之後講清楚叫爸爸要拎款黎

2.尿片

睇BB留院情況,因為有部分媽媽順產,小朋友又冇黃疸情況,可能48小時內就走得,咁就唔需要成包尿片拎黎~ 但如果需要留耐啲,就可以考慮帶一整包細嘅尿片去醫院~ 但記得如果唔係原包尿片帶去,記得用保鮮袋裝好尿片,保鮮袋上最好寫埋媽媽個名,以方便姑娘幫忙時取用~

3. 炒米茶 / 茶包

因為包爸會自己煲好再拎去,所以會直接帶茶去醫院~ 如果想方便啲,都可以預先買啲茶包袋入好需要用嘅炒米放入保鮮袋,再係醫院加熱水焗。

到最後第三袋就係出院袋~主要係出院嘅用嘅衣物~

1. 媽媽衫一套

最好鬆身同埋長袖,唔洗驚吹到風~ 如果係餵母乳嘅媽媽最好準備定方便哺乳用嘅衫,因為有時你換好衫又未必即刻走得,假如要餵埋奶先走嘅話,件衫方便啲會比較適合~

2. 哺乳內衣

冇鋼圈嘅内衣比較舒適~

3. 帽

一樣都係避免直接吹到風引起不適~

4. BB衫一套

由於而家天氣相對比較熱,所以內衣一件,再加連身外衣一件就可以~ 有需要嘅可以準備埋帽仔,手套同襪仔(包媽準備嘅呢套衫係當年小包哥哥出院果陣著過ga)

細細粒嘅小包哥哥~

5. 包被一張

視乎天氣,4月嘅薄身啲嘅包被已經足夠~

6. 小紗巾1-2條

提醒一下公立醫院嘅locker空間有限,產前病房、產房同產後病房所在樓層都會唔同,所以生之前盡量避免帶太多行李,方便自己拎,又唔會太麻煩到醫院嘅姨姨~ 佢地已經好忙碌,大家合作嘅話係方便到佢地工作ga!

以上係包媽嘅走佬袋~ 希望大家都生產順利!

BKmall為你網羅全城至筍至熱 走佬袋套裝:詳情請按

【編按:以上內容為作者之個人意見及立場】

相關文章

【生B攻略】人生大事要點選擇?私家醫院與公立醫院生B大不同

【媽咪二次懷孕13W】第一次及第二次健康院產檢及到公立醫院做唐氏前期篩選!

【媽咪二次懷孕12W】超詳細版!公立醫院孕婦特別付費檢查一覽表

【媽咪二次懷孕9W】原來保護好自己最要小心身邊的BB?!

緊貼新冠肺炎最新相關資訊