2020-06-23

5.3K

【護膚診症室】孕婦可以繼續化妝、美甲嗎?應如何選擇美妝產品?

「懷孕唔可以化妝」聽得多,好多準媽媽都心慌慌,唔通懷孕就等於要日日素顏?仲要係10個月咁耐!點算好呀?

的確好多化妝品都含有重金屬、激素、化學香精等有毒物質,有機會影響BB,但貪靚嘅我哋,梗係唔需要咁慘,成10個月要素顏見人啦 ,大住肚都可以keep住靚。

由於懷孕期間皮膚比較容易過敏,喺化妝第一步,即係搽防曬時,可選用含Zinc Oxide或Titanium Dioxide嘅物理性防曬成份產品。坊間仲有啲有潤色功能嘅礦物防曬,對BB安全之餘,仲連粉底都唔使用,更減輕皮膚負擔,無咁易俾厚重嘅粉底焗到爆瘡!

更多文章:【懷孕12周護理產品】皮膚長斑、色素沈澱,擔心出現妊娠紋⋯⋯如何避免?

選用產品時,要留意對羥基苯甲酸酯類Parabens成份。Parabens 係經常添加喺化妝品、防曬乳和唇膏既防腐劑。有研究指出,這類防腐劑與嬰兒嘅發育、生殖、神經同免疫系統等都有機會造成影響,包括:性早熟、精神疾病、乳癌同卵巢癌嘅風險。

更多文章:【護膚診症室】陀仔皮膚特別差?!孕媽媽不斷爆瘡可以點護理?

另外,亦要留意甲醛Formaldehyde呢個成份。甲醛常見於指甲油、睫毛膠和髮膏等用品當中,有研究指出甲醛具有致癌風險,目前已經被國際癌症研究機構(IARC)列為人類致癌物。市面上甚至有有機食物成份嘅甲油,食咗落肚都唔怕,仲用番梘就洗得甩!

【編按:以上內容為作者之個人意見及立場】

相關文章

【護膚診症室】懷孕12周的護理產品 如何避免妊娠紋出現?

【簡易編髮】 告別一頭亂髮 輕鬆打造完美髮型

年度最強逆齡精華!Caudalie Premier Cru The Serum 葡萄籽尊貴時光逆轉全效精華

【護膚診症室】扮靚心慌慌!化妝品致癌?Paraben 成份你要知

緊貼新冠肺炎最新相關資訊