2020-06-30

2.7K

【護膚診症室】懷孕12周的護理產品 如何避免妊娠紋出現?

不少媽媽開始面對皮膚問題,臉、頸會長斑,身體部位有色素沈澱,並且擔心會出現妊娠紋。上述情況可以如何應對?如何選擇合適的護理產品?

妊娠紋通常喺24周開始出現,原因係妊娠晚期胎兒增大同羊水增多速度較快,肚皮就快速撑大,當個肚大得太快時,皮膚組織中既彈性纖維同膠原纖維承受唔到拉力,就會斷裂膨脹,形成妊娠紋。

妊娠紋最常見喺肚皮,但有時我地懷孕時食多咗野,體重上升得快時,乳房!臀部、大腿手臂等都可以出現妊娠紋㗎。

要預防妊娠紋出現,喺懷孕早期就要勤力補濕,增加肌膚彈力。我有選用天然既油喺頭先提及容易出現妊娠紋既部位早晚輕柔咁按5分鐘,保持皮膚滋潤,所以生完一條紋都無。

預防妊娠紋最有效既方法,就係避免體重急增,咁就唔會令皮膚突然被撐大令妊娠紋出現。懷孕期既體重增加要跟據孕婦本來既體重計算,但基本法則係懷孕頭3個月總共增加1至2公斤,懷孕中期就要每個月增加2公斤左右,而懷孕後期就要每週增加0.5公斤左右。

香港天候潮濕,皮膚特別容易痕癢,尤其是喺孕期皮膚被撐大時,唔少女士都會忍唔住抓皮膚,但想靚就要忍下手啦,因為抓既時候會破壞皮膚既纖維,更容易引起皮膚發炎同出現紋呀。

老人家成日叫孕婦食多啲富含膠質的食物都有道理㗎。膠原蛋白有助於增加皮膚既彈性,所以大家不妨嘗試多吃一些富含蛋白質同維他命C既食物,為皮膚提供原材料製造膠原蛋白保持彈力防紋。

【編按:以上內容為作者之個人意見及立場】

相關文章

【護膚診症室】孕婦可以繼續化妝、美甲嗎?應如何選擇美妝產品?

【簡易編髮】 告別一頭亂髮 輕鬆打造完美髮型

緊貼新冠肺炎最新相關資訊