懷孕後期老人家成日講「清胎毒」，但胎毒其實係乜？係咪個個孕婦一定要清，又會唔會有副作用？如果你有同樣疑問，就一齊從中醫角度探究「胎毒嘅」十萬個為甚麼啦！
討論區熱話：幾多個月清胎毒？
邊啲徵狀表示孕婦需要「清胎毒」？
中醫認為大部分孕婦身體狀況都係偏向陰虛內熱，但並唔係一種「毒」。只有一部分孕婦會有「胎毒」情況發生。如果孕婦出暗瘡、皮疹、口臭、口潰，或出現便秘、小便黃、口乾舌燥、皮膚瘙癢、水腫嚴重、血壓過高的問題，就有必要清胎毒。
應該幾時進行清胎毒？
懷孕36周後先開始清胎毒，會比較安全。因為30周前胎兒仲未發育成熟，孕婦服用太過寒涼食物，有機會引起子宮收縮而引致早產。
討論區熱話：幾多個月清胎毒？
「胎毒」有咩成因同症狀？
喺中醫角度，「胎毒」係指孕婦懷孕期間感受「毒邪」然後傳畀胎兒，導致胎兒出世後出現相應症狀，如：病理性黃疸、動風抽搐，濕疹、過敏性皮炎、皮膚出現瘡癤等等。孕婦個人嘅體質偏熱，或者孕期過量進食煎炸肥膩食物、過度滋補，或冇注意清潔衞生、脾氣暴躁以致肝火旺盛，都係引致胎毒嘅病因！
服食中藥可清胎毒嗎？
中醫講究「辨證治療」，需要根據每位孕婦個人體質同臨床表現，去決定用咩中藥去「清胎毒」包括中藥嘅種類和用量及配搭都有唔同。孕婦唔適宜自己用藥，應該諮詢有經驗嘅中醫師！若果孕婦係屬於寒性體質，而其實身體冇出現胎毒，切記唔可以清胎毒！輕則傷及脾胃，引起腹痛同腹瀉，重則有機會引致早產。而民間流傳嘅清胎毒偏方如白蓮鬚，如果用量過亦有機會引致早產！傳統涼茶如廿四味，中醫都唔建議孕婦飲用。
*參考資料：信報 - 中大醫論 19/07/2019
相關文章：【孕期湯水推介】孕前產後要識飲！18款安胎+催乳湯水
