2020-05-25

5.2K

【媽咪二次懷孕13W】第一次及第二次健康院產檢及到公立醫院做唐氏前期篩選!

今次主要分享我兩胎的政府產檢體驗,同埋我的懷孕經驗分享比各位孕媽咪!

我第一胎好好彩被助產士揀中可以喺威院做產檢,所以由第一次登記到生BB都唔洗去健康院做檢查,不過今次無依個機會啦, 所以我都要同各位孕媽咪一樣健康院做產檢。

今次第二胎,由經期計算的預產期同超聲波結果偏差咗一星期,所以我想有再準確的預產期先去預約健康院。預產期小知識:唔少孕媽咪的預產期會隨著胎兒長大,照超聲波時發現開始出現偏差,無論係提前或延後。之前我都問過助產士,如果預產期差異有一星期以上,就記得要通知分娩的醫院或者健康院,因為入院紙有機會有改期嫁!

相信去健康院產檢大家都會聯想一件事「 等好耐都未走得!!」我第一次預約是早上9點15分,不過我知道大概半小時前已可登記,所以我都提前咗。

第一次健康院產檢,登記後就馬上驗尿,磅重同量血壓,好快我已經見姑娘做初步諮詢,之後就再等醫生檢查同聽BB心跳,最後驗血都好快搞掂,只是無諗到等姑娘比預約紙等咗一個鐘有多,再加上最後等拎孕婦維他命等咗半小時有多,最後要去到12點半先走得!

不過最開心係健康院門口拿到一堆初生禮物!第一次完成健康院檢查,基本上姑娘態度都好好,而且好耐無做過產檢,所以我都有少少懷念嫁!

第二次健康院產檢就更加快到不得了,第二次預約時間係8:45,我8點30去咗登記,宜家正值肺炎好嚴重,所以一上到去就馬上量體溫,之後都係驗尿,磅重同量血壓,再等見姑娘加聽BB心跳,結果.. 我9:15就已經走得,比我想像中用少好多時間添!不過可能真係太早,所以我完全見唔到門口有一堆奶粉商的申請姨姨踪影!

我的第二次醫院唐氏前期篩選記

第12週我去到威院做唐氏前期篩選個時,同樣跟第一胎一樣進行抽血及超聲波檢查度頸皮! 當中最有緣係為我照的護士都係三年前的同一位護士,當時依位護士都猜中筋肉寶寶係男仔,其實今次護士又估中今胎性別啦,稍後我再公佈^^!

【編按:以上內容為作者之個人意見及立場】

相關文章

【奇蹟誕生】BB臍帶纏頸6圈順產出世 醫生解釋何為危險情況

【生B攻略】人生大事要點選擇?私家醫院與公立醫院生B大不同

薯B他媽的日記:孕媽媽人生交叉點 傳統禁忌該如何平衡

一句激嬲大肚婆的說話

緊貼新冠肺炎最新相關資訊