上次講到入院安頓好，就等第二朝開刀…（唔一定要過夜瞓，如果係中午生，可以上午先入院）
唔記得，無睇過可以去《趙c9 仁安醫院生b part 1》
一早起伸，趙c9 立即沖個涼，洗個頭，因為坐月最好成個月都唔好洗頭沖完涼，換好手術衫就等出發迎接趙bb。
手術係點就唔講喇，但因為趙c9 身體有變，由半麻醉要轉為全麻醉（趙c9 一直都好唔開心，因為自己唔爭氣，令到趙生無得睇住趙bb出世）
講番手術，值得一讚係醫院會一直提供暖氣管俾我抱住，因為手術室好凍，而落左麻醉藥個人又會更凍好又震架（趙c9 喺其他醫院做過手術係由我震既，好可憐）
因為開刀要第二日先落得床,上番房後，就係休息休息，護士會定時嚟換衛生巾，問侯一下狀況…但第一日奶餵唔到，而我都無見過趙bb，只可以睇到醫生影既相同趙生去到既親子時間
講番大家都想知既親子時間同餵哺時間先
親子時間
醫院每日有3節親子時間，每節15分鐘，但只限父母參與 呢個時間就係俾爸爸媽媽同 bb溝通下，影下相，抱下咁，雖然時間唔長，但大家都會好期待，因為頭幾日嘛（返到屋企你就知），如果媽媽真係未落得床，爸爸只要帶身份證去都可以一個人入去嘅。
餵哺時間
媽媽最期待既時間，每日有6個時段，媽媽可以選擇到哺乳房親自餵哺（不論母乳抑或奶粉），而醫院都鼓勵餵哺母乳，但同時都可以選擇只餵奶粉 護士非常有耐性去教導媽媽點樣親餵 如果有需要，亦都會教媽媽點擠奶，揼奶（趙bb 係一個唔願意親啜既bb，但趙c9又有谷奶既情況，好彩有護士教趙c9 擠奶，咁樣趙bb 先有最珍貴既黃金初乳飲ja）
另外，觀望嬰兒時間，嬰兒沐浴示範，產後運動等，大家都可以跟番醫院個時間表就得架喇
順帶一提，醫院會為即將出院既媽媽舉行一個小講座（通常都係出院前一晚舉行），講座會派番bb 既針咭，bb 既相關資料，健康院資料等……仲有一袋小禮物送俾bb添！大家可以預定出院前一晚既時間丫，爸爸都去就最好丫！
下篇講下出院，母嬰同室
