【告別啤梨身形】蜘蛛媽媽鄭麗莎教你4招修腰臀！

媽媽生完BB後，身材走樣係常事，特別係腹部同臀部好易會出現鬆弛。身為4子之母嘅蜘蛛媽媽鄭麗莎，點解生完之後身材仲Keep得咁好呢？佢同我哋分享咗4個喺屋企都可以做到嘅動作，有助媽媽產後修身！

一、鍛練下腹

雙腳伸直，雙手放在臀部，之後雙腳提起，再慢慢落。期間雙腳不可掂地，然後再向上，有助鍛練下腹的力量，減少鬆弛，一組20次，每次做兩組。

二、提臀動作

先吸一口氣，呼氣時用力提起臀部，感覺肚臍會有條繩拉扯的感覺，感覺臀部是收緊狀態，停留幾秒然後落返去。留意同樣臀部是不可以掂地，一組15次，每次做兩組

三、屈膝掌上壓

向前爬低，用膝頭撐住，驅幹保持水平位置，落時吸氣，用力上時呼氣。可以鍛鍊胸肌和肩膊的力量，抱起BB時更得心應手。

四、單腳收臀

膝頭保持屈曲狀態，眼望前方，吸氣用力的時候一隻腳蹬起，向後撐上去，會感覺臀部在收緊，腰部亦要鎖緊，單腳放下再蹬出去，每邊做15下

呢幾組動作喺屋企都做得，好方便！媽媽不妨趁BB休息緊嘅時候修吓身。當然除咗健身之外，均衡飲食都好重要。緊記食得清淡，少鹽、少糖、少油，雞肉要去皮先食！