2018-04-18

2.5K

致半夜冇得訓小隊

致半夜冇得訓小隊

執媽好鐘意年尾同年頭既節日
好多party、好多朋友聚首一堂既日子


但對好多媽媽黎講,彷彿呢d party已經係青春既代號,「蒲天光」既日子已經一去不復返!

尤其新手媽媽,好多可能只係岩岩結完婚就立即傳黎好消息,根本都未有心理準備咁快會迎接小生命

突然要從自由自在快活無憂既生活,變成日日夜夜望住個對你絕對依賴既小bb,仲要學習幾個鐘餵一次人奶、掃風換片、訓練bb紀律、同其他照顧者溝通教養方法(一覺唔覺意原來屋企充滿豬隊友會更衰多兩錢重)
呢種轉變真係唔係人人接受得到!

好多時產後情緒低落就係咁樣而黎
唔好話多左個生命呀
即使係你轉工、搬屋、結婚、升職,通通都需要適應期架喇!更何況多左個bb?所以執媽其實係想鼓勵你地,唔好對自己咁harsh, 要接受自己對新環境仍然係adjust‘ing’

執媽發現,媽媽們問得我最多既問題就係「bb成日喊/扭抱,唔知點算好」
好想快d訓練到佢既自律性,識得食飽就訓、訓飽就痾、痾完再食,之後就識得好快長大、完全追過生長線
當然呢個係好好好理想好易湊好乖巧既bb喇,如果你bb係咁!真係要謝天謝地謝主謝祖先!

但係,一個bb黎到新世界,佢淨係識得喊架咋,外面世界比起子宮大咁多,佢又冇安全感,咪唯有喊比你睇囉媽媽,一喊有人抱住舒舒服服,有邊個bb唔鐘意?

執媽唔係鼓勵你抱或者唔抱bb
因為愈黎愈多研究發現適時抱bb係可以令佢更有安全感同父母更親密
呢個時候媽媽就要取捨喇
想bb變成一個「倒模一樣」既乖bb,淨係食訓痾?
定係都想趁佢仲細個既時候比多d時間耐性去多d攬下佢,感受下佢每種唔同喊聲背後想表達既意思?

的確,成日喊同扭抱係好困擾好困身,好多媽媽仲會因為喊聲而出現產後情緒低落、感覺好挫折
但係你相信執媽喇
呢d日子眨下眼就會過
小朋友成長速度好快,冇幾耐之後
你就會掛住佢仍然好高度需要你既bb階段架喇


各位仍然係「半夜冇得訓」呢個無限輪迴地獄中尋找快樂,做個開心媽媽

#半夜冇得訓小隊
#執媽支持你
#有冇媽媽可以提供令bb一教訓天光既方法
#除左臨訓前隊支大奶奶比佢飲
#執媽支持feedondemand
#食到自覺飽自然離乳減少半夜嘔奶瀆親風險

【編按:以上內容為作者之個人意見及立場】

相關文章

緊貼新冠肺炎最新相關資訊