2020-01-14

146

【小觀察 大發現】小朋友的生意銷售技巧點子

要小朋友了解到大人世界裏銷售工作係一回乜嘢事,最好就係比佢哋試做一次銷售員。首先我哋會將指定嘅物品、玩具等隨機派俾獲指派為銷售員嘅小朋友,跟住佢哋就要喺指定時間內諗出銷售方法、創意點子,將手上的物品賣俾「客戶」。

更多文章:我個同學成日放假都去日本?我哋冇得去係咪即係窮過佢哋呀?

到咗匯報時間,小小銷售員都想盡辦法,落足嘴頭向客戶講出產品嘅用途、好處,為咗要得到客戶嘅歡心,佢哋不約而同都用減價戰去吸引客戶,由開始時「買一送一」,到見到客戶佢產品不感興趣,立刻再推出各種優惠,「買一送二、再送贈品」。「你哋俾咁多折扣,唔會蝕錢嘅咩?如果你係老闆,你又是否滿意呢位銷售員嘅表現呢?」小朋友一味用減價求售嘅手法,無非都係俾好多廣告吸引,以為將售價降低就可以令到更多消費者選購,咁亦都反映咗可能佢哋喺作出購買決定之前,都會俾廣告折扣嘅宣傳訊息所影響,少啲定力就會連分辨需要、想要嘅基本原則都會拋諸腦後。

更多文章:喺小朋友嘅角度,錢是咁賺的⋯

活動其實是一項壓力測試,讓小朋友明白喺指定時間完成任務係一件不容易嘅事情,令佢哋明白父母每天返工其實就係承受緊呢方面嘅壓力,等佢地明白靠工作賺錢辛苦,要珍惜身邊擁有嘅一切同埋金錢。

【編按:以上內容為作者之個人意見及立場】

相關文章

讓孩子學習運用優惠券的竅門

教孩子用利是錢計算機

【親子理財2020】利用新年利是錢 教導小孩用錢概念

心理學家解讀人生──開展小朋友教育的時機