2020-06-01

249

「謀事在人,成事在天」

其實樓好多人鐘意但係咪買左坐係到就贏硬? 正路大部份都係,只要你有實力坐,無現金流供款壓力,通漲坐夠幾十年,其實又真係好難輸。但係就有個問題,你係咪真係咁無現金流壓力呢? 如果你月入幾十萬果堆,我諗你確實可以坐到尾,除左你月入突然一日無晒。但我深信好多朋友都未去到呢個level,我自己都未到,我呢D係買得多亦借得多,我諗我同大家既小市民程況都差不多,只係我唔做野,靠收租當係我嘅收入。但我想講嘅係買野賺唔賺到錢,其實好講一個好時機。

更多文章:財務信譽影響借貸(上)

以股票計,時機一定係最重要,係3月低位入貨而家都有兩成,之後跌唔跌我唔知,但我只知好多玩股票既人都無估到插到咁,同埋油可以負數交易,所以我一向好少睇股票評論,因為佢自己都救唔到,點救我? 但我會睇下啲經濟流向,所以股票方面我係廢嘅,唯一我坐得。

更多文章:聯名買樓注意事項

樓就更加唔洗講,就算時機正確,買錯野一樣輸,15年買嘅樓同鋪,好多都有蝕讓個案,但15年你正正常常買一啲二手收租住宅物業,到而家又點都係賺緊。所以樓好玩在,你睇佢以為好易,但其實內裡學問多,只係一個廁所都可以玩到你暈。

就以大灣區為例,今年有部份物業都回到前年既價錢,因為一個疫情可以令到一切都扭轉,但當然我自己還是覺得向好,而呢個時間可能正正係一個機會,所以過年時間我都無理到入番件野先,等陣彈上,我咪刀仔插大脾。

係現今呢個社會其實已經唔可以用常理去計算,老實講好多野係前人都無遇到過,我唔敢講呢個世界之後會係點,但我想講嘅係時也命也,好多人會好驚好憂慮,我唔係叫大家亂去投資,但正正路路去做,其實咪交俾個天去決定羅,人就得一世,呢一世活得精唔精彩,你唔行,又點知呢?

「謀事在人,成事在天」

 

【編按:以上內容為作者之個人意見及立場】

相關文章

匯豐派息,唔識扮識

月薪嬌妻的財務自由

【透視大灣區-嚟緊炒D乜】粵投區內供水稱霸 東江固廢處理龍頭

【透視大灣區-嚟緊炒D乜】最生金蛋「企鵝」 撲翼連接各行業

緊貼新冠肺炎最新相關資訊