2018-08-06
1.8K
【媽媽心聲】辛苦哂！各位去過BB展的男士們！
Facebook被荷花BB展全面洗版，朋友的老公見我在facebook出post分享，問我bb展是否工展會d friend, 都係賣物會一個，只是以BB產品為主！
我答：你錯了！
首先，朋友剛結婚未有小朋友，不了解BB展是非常正常的！因為當你做左準媽媽之後，當你開始意識到要買BB野的時候，你才會認識荷花，才會認識荷花BB展！
係嘅！形式上，BB展的確係工展會d friend, 不過再準確d講，更似係一個專為媽媽而設的嘉年華會！
每年各大奶粉商係BB展的攤位，佈置到好似嘉年華會一樣五彩繽紛，設有各種攤位遊戲贈品任你拎，當你一踏入BB展自然就會血脈沸騰，有如小朋友入到冒險樂園一樣，期待又興奮！四周的氣氛令你想拎盡所有贈品，行盡所有攤位睇下有咩特價好用產品買！
每位媽媽就算不消費，都有得玩又有大量BB用品禮品收，禮品設計精美又實用，重點是免費的！BB展更會有大量折扣優惠和購買贈品送，買一轉平時bb要用的用品已經可以幫你慳到張去日本的來回機票，那個媽媽不心動！
而且買到好用又抵買的BB野，開心過媽媽們買名牌手袋！媽媽們成為媽媽之前，都愛買衫買手袋比自己，當成為媽媽之後，一切都會改變，shopping 買的都係BB野，衫褲用品玩具，只要仔女著得靚玩得開心，媽媽們就會開心！
所以話，荷花BB展並不只是一個賣母嬰產品的賣物會，說是媽媽們一年一度的嘉年華會更為貼切！
買咁多野都要搵人幫手拎走，老公呢個時候就發揮最大效用！又奶粉又尿片又一大堆贈品，一個人未必拎得到架！而且買左野又唔方便繼續行，所以大家會見到會場旁邊坐滿大人和放滿一大堆貨品，而佢地多數都係男士們和小朋友，男士們看守貨物和照顧BB, 媽媽們就可以輕鬆繼續在會場去血拼！
琴日，在BB展快要關門的時候，我見到兩個男士坐在一旁，身邊堆滿奶粉商贈品袋、旅行喼和嬰兒用品，兩個人眼神空洞，等待著血併中的媽媽們回來！
不知道他們已經行了多少個小時才會有如此疲態，見到佢地為數不少的貨品，行左一整日都不足為奇，我心中暗暗的給他們一個讚！
我想起我老公有時會行電腦商場，但每次我寧願在附近飲杯野或書店等佢，都唔想陪佢一齊行，因為每次行不久我就會失去耐性，催促佢快離開！我都唔想架！我對電腦真係冇興趣，但其實電腦商場間間買嘅野都差不多，有必要每間都睇嗎？
其實諗深一層，男士們陪我地Shopping時其實都會有一樣感受，間間嘅衫裙都差不多款式，有必要每間都入去睇嗎？
男士們明知去BB展會是一件苦差，又要排隊又要拎野，人多喼多，都願意陪我地去，為滿足我地媽媽們有得拎贈品又買到好物又慳到錢的慾望，就算男士們係比你威迫利誘咁同你去行，都值得比d掌聲佢地啦！
男士們辛苦哂喇！有你地嘅支持，媽媽們先可以放心去血拼！BB展今日最後一日，男士們加油！
**************************
其他文章：
============================
Facebook: Timtam仔的成長日誌
