做FTM就係冇為老公諗？真係哪裡來的道理！

最近見到大家都熱烈討論緊呢個問題「做老婆都要為老公諗下...」，其實Juciy媽就非常贊同呢句說話，而且喺字面上解釋，呢句說話可以話係正解無誤，都莫講話淨係做老婆呀，有時候做人處世，為其他人諗下都好應該，之但係碌入去睇完碌之後，確實只能夠講句萬能Key：「一家唔知一家事。」

樓主講到有唔少太太選擇生幾件之後，就大安旨意做FTM，搞到收入只得二、三萬嘅另一半不勝負荷，面對手停口停嘅壓力，老闆鬧都唔敢駁嘴，所以返到屋企都好難有好面色，更加唔好話幫手照顧家庭啦！喺呢個情況底下，做老婆就要為老公諗下，盡可能做part time幫補下，兼唔好生咁多個，迷信「家庭完滿」、「愛情結晶品」，「唔通唔要咩」嘅說話！

喂！睇到呢度真係令人好無言，到底要講幾多次，先聽得明FTM唔係你想像中咁得閒，更加唔係人人都想做！點解成件事會講到做FTM就係冇為老公諗咁？仲要講到生幾多個好似唔關個男人事？What？乜人類係單性繁殖咖咩？有唔少JM都反駁：「我突然覺得自己好前衛，又返工又食藥避孕，老公又會一湊二兼做家務。 」、「生唔生仔真係女人可以話晒事？！」

Juciy媽覺得一個家庭大家都有份，決定做FTM又點會係單方面嘅決定呢，正所謂你有壓力，我都有壓力，唔好下下攞嚟做黑面藉口，倒不如大家都為大家諗下！

即刻上討論區一齊傾