2019-01-22

14.2K

生咗之後想同老公分房瞓?因住老公慣咗自由身!

生咗之後好唔好分房瞓?表面上你有你嘅生活、我有我嘅忙碌,唔好阻到大家嘅休息時間,似乎係好事嚟架喎。錯!咪話他條媽媽唔教精大家,做人千祈唔好咁短視。BB需要半夜餵奶嘅日子總有盡頭,但兩公婆習慣咗分房瞓,關係就會漸行漸遠,到時就後悔莫及喇!

好記得有次碌forum,睇到有新手媽媽呻:豬隊友幫唔到手,有時真係寧願佢行埋一二邊唔好阻頭阻勢,等自己可以專心湊BB。有啲網友回應:唔使擔心,你獨自湊B嘅願望一定好快實現,成日咁嫌棄老公你估佢Feel唔到咩?一陣喺屋企得唔到溫暖,向外索求係時間問題啫。

說話係好難聽,不過又不無道理喎。BB出世大家重心落晒佢度好正常,但係唔好忘記,真正陪自己一世嘅係老公呀。

如果你話分房瞓唔係因為關係唔好,而係「老公聽日要返工,唔想BB嘈住佢」,一片好意為伴侶著想。但人本性就係得寸進尺,遲下老公愈嚟愈習慣自由身,反而怪你同BB阻佢私人生活架啦。大家有共識生個B出嚟,就唔會由一個人承擔晒所有囉!B你有份生,就有責任付出啦~

預咗畀人抨擊話我太偏激架啦。不過我都係要講一句肺腑之言:唔好因湊B嘅磨擦而放棄夫妻關係!

【編按:以上內容為作者之個人意見及立場】

相關文章

暑期創科嘉年華 !「創科遊學 玩轉暑假 2025」帶您與小朋友探索科技新天地!

【熱門玩具開箱】打破常規的啫喱積木!Jelly Blox砌得扭得又踩得 孩子最佳感官玩樂體驗!

港人過深圳洗牙半價!維港口腔推港人專屬優惠:洗牙100 + 種牙減300 + 美白53折,WhatsApp粵語客服群組即時預約

香港肺炎鏈球菌病例急升! 血清3型最具威脅性

緊貼新冠肺炎最新相關資訊