俗話說「10年看婆，10年看媳」，呢個年頭，媳婦對住自己嘅奶奶，唔多唔少都會有呢種感慨：「成日比較」、「口不對心」、「有佢講冇人講」、「成日認叻」…... 有冇想過，呢啲說話，講唔定喺自己日後成為奶奶嘅寫照。
談及呢個話題，唔少人會不約而同咁講：「日後當然唔會做呢類奶奶。」但事實上，未來兒子娶媳婦時，這些說話會否還能兌現，就唔可以擔保啦。當BB長大成人，多年的養育要交由另一個女人去照顧時，作為媽媽的心態，確實會轉變。而討論區唔少人眼中奶奶嘅寫照都會與BB有關，「以為我個b係佢生嘅，乜都指指點」、「成日用佢舊果套湊仔方式同我理論」等等，樓主身邊亦有唔少朋友生完BB後，婆媳之間嘅問題雖然仍存在，但焦點唔再像未有BB前，一直以個人身份與奶奶起沖突，反而大多數是因為將焦點轉移到BB身上。
古人有句話：「百善孝為先」，對於老人家嘅尊重是要有，而奶奶嘅建議可以考慮，但爭吵誰是誰非，這對於孩子嘅教育理念與方法沒有任何好處，父母教導嘅角色，在BB成長階段直接受影響，樓主認為孩子教育理念與方法嘅決定權理應交由父母決定，而婆媳能在這個位置上彼此間能換位思考、互相體諒，想必可以減少沖突。
