2020-09-04

3K

【婆媳相處】慳家老爺奶奶一餐餸連食5日 新抱屢勸不聽大感崩潰

本港樓價高企,不少女士在婚後遷入夫家,與老爺奶奶同住,但卻因為生活和飲食習慣的不同,很容易鬧出不愉快的事情。一名新抱在網上大呻,指同住的老爺奶奶經常把一餐的飯餸不停翻煮,令一向吃好住好的她難以忍受,即使多番勸告亦無用,希望網民提供意見。

這名新抱向Facebook專頁《我的極品四大長老》投稿,指出同住的老爺奶奶的性格傳統務實,年輕時努力賺錢為丈夫供書教學,兩老節儉的程度更是十分誇張,可以體現於每晚的飯餸中。她舉例指,老爺奶奶可以把一餐的飯餸不停變身,連續吃足五餐,「第一餐食咸雞,吃剩的第二餐翻熱再食,再吃剩下餐用薯仔再炆,吃剩第四餐再翻熱,第五餐再加入蘿蔔翻煮」,令她食慾盡失,「每一餐見到同一樣嘢,只會愈望愈唔想食。」

她明白老爺奶奶一向習慣這樣處理剩菜,亦無意指責他們,不過受原生家庭影響,她習慣及時行樂,「我生於月光族的家庭背景,食好住好,工人湊大,今餐想食滷肉飯,下餐又可以食海南雞飯,只要想就去做」,故實在不習慣這種飲食,「他們沒有錯,錯在我,我唔習慣。」

新抱亦體諒兩老在炎炎夏日為全家準備飯餸的辛勞,嘗試婉轉地勸他們改變習慣,「隔咁多餐唔係咁健康喎」、「今日咁熱,不如我地出去食好啲啦」,但卻遭到無視,令她大感崩潰:「我可以點做?改變不了他們,改變自己?」

網民:一齊住已經係錯
帖文引起網民熱議,大部分人建議事主與丈夫遷出夫家,或者肩負起煮飯的責任等,「講到咁委屈,點解唔搬走?」、「好簡單,一係搬,一係分開食,一係你掌廚」、「第一餐就食哂D餸,唔好有隔夜餸留低」、「自己買嘢加餸」。亦有人表示身同感受,「同我媽一樣,我老公同仔返去食飯,多數都會肚屙肚痛」。

不過,亦有人認為既然事主選擇遷進夫家,就要習慣對方的生活模式,「你搬去人哋屋企住,點解要改變人哋嘅生活方式?」、「老人家節儉開好難去改,何況住緊嘅係男家屋企。」、「一齊住已經係錯,只能接受。」


相關文章

【婆媳相處】體諒新抱忙碌主動照顧孫女兼準備早餐 新抱大讚絕世好奶奶

【婆媳相處】港媽投訴老爺奶奶湊孫都要玩手機睇電腦 反遭網民圍攻:當自己邊位?

【婆媳恩怨】奶奶迫生仔承諾幫手湊 產後食言害新抱患情緒病

相處都講藝術!如果有得揀,真係有人自願同四大長老住!?

緊貼新冠肺炎最新相關資訊