2019-12-05

2.5K

【JM有話兒】搬回同6299一齊住?JM呻:「當年忍得咁辛苦,點可能要我返番去地獄」

俗話說得好,正所謂「相見好,同住難」短暫嘅相處係愉快、融合,但要長時間嘅同住可能會毀了一段關係,近日在討論區有JM呻:「我奶奶話等佢d女嫁晒之後,我地搬返去同佢地住」,對於呢個話題,其實JM呻完之後,問題仍然存在,究竟有冇咩方法可以避免「同住」嘅話題呢?作為新抱,與奶奶又有咩嘅相通之道?

之前都有分享過尼兩篇有關奶奶嘅文章:自己奶奶自己湊?24孝奶奶是如何育成?  以及 新抱奶奶一定激鬥?5大好奶奶特質!你好命遇到嗎? 今次對於呢個搬回與6299同住嘅話題有唔少心得想分享!

即刻Click入討論區一齊傾 >>> 奶奶叫我地返去同佢住  


夫妻之間嘅相處已經係一門學問,二人無論喺經歷、習慣、觀點上都會各有唔同,對於生活上、財政上亦會各持己見,這些生活瑣碎嘅事情,係需要時間慢慢磨合,況且如果加上婆媳嘅問題就更為複雜!喺討論區中,見有JM表達與奶奶在平時的相處中已經有矛盾,近日更是遇到呢個問題:「我奶奶話等佢d女嫁晒之後,我地搬返去同佢地住」原來係之前,這位JM已經嘗試與6299相處過,之後搬咗出去,當時同一屋簷下,已經令JM覺得辛苦,依家奶奶居然提出不如再次同住,令這位JM大呻:「當年忍得咁辛苦,點可能要我返番去地獄」。

結咗婚好幾年嘅朋友會分享,遇到好奶奶嘅機會難過中六合彩,除非婚前已經相處融洽,如果唔係,連本人都唔認為婚後可以與6299一起共住。而JM有分享當下嘅搬咗出黎嘅生活狀態:「好享受現在一家三口加個姐姐,小家庭的生活。簡單平凡獨立。」

一家人最緊要就係和和氣氣,既然當下生活幸福,如果相處上已與奶奶相處唔和氣,那麼再次同住並唔會最好嘅結果,「勉強無幸福」!既然心不甘情不願,連簡單快樂的生活都似乎會被奪去,建議JM盡可能避免談起「同住」嘅話題,同時亦可以表現對於老人家嘅尊重,畢竟他們都想有人關注、照顧

話雖同奶奶住有婆媳嘅問題已經令人頭痛,但6299畢竟係長輩,反正依家唔係同住,可以嘗試與奶奶喺關係上進行修補,之前有分享過「你點對人,人點對你咖啫」,人與人之間嘅相處,查實奶奶又唔係你,梗有唔啱嘴型嘅時候,所以只要記住互相尊重、包容,保持適當距離,先係萬全之策!新抱、奶奶唔係由細磨合到大,價值觀、生活習慣等唔同好易意見相阻,擦槍走火,不如放下己見,慢慢理解對方,一家人最緊要係咩?和和氣氣、健健康康就係最好不過。

即刻Click入討論區一齊傾 >>> 奶奶叫我地返去同佢住  

【編按:以上內容為作者之個人意見及立場】

相關文章

每年一度難題:過年送禮送甚麼?4款實用禮品推介!

【聖誕B來了】迷信奶奶永無科學根據?網友:都係求個安心

做冬撞期等睇戲?野蠻奶奶好難頂!網友:尊重是互相的!

新抱奶奶一定激鬥?5大好奶奶特質!你好命遇到嗎?