未開始畀零用錢小朋友，長老就偷偷地塞錢畀粒孫⋯⋯有長老錫係孫仔嘅福氣，但打亂晒呀媽全盤計劃咁解囉～咩有限零用錢、咩學會需要定想要，真係諗都唔使諗嚕。
熱門討論：老人家偷偷比錢個孫
熱門討論：老人家偷偷比錢個孫
其他網民意見：
「一百幾十都唔緊要嘅⋯⋯」
「畀錢唔係重點，重點係偷偷地。」
「當幫小朋友學理財囉，都係好事。」
好多網民都好正面地解讀件事嘅，其實長老出於好意，呀媽都唔需要反應咁過激？不過我就好認同呢，送嘢畀小朋友唔係咩大問題，但點解要背住父母呢？點解要教識小朋友瞞住父母呢？點解要破壞親子間嘅信任呢？（Sorry太激動，但真心想問囉！）
老實講，教仔已經難，旁人岔隻腳埋嚟就更加煩！一早同小朋友講好邊啲唔做得（唔只錢銀嘅嘢，例如講大話），係要做架兩幫小朋友打破規則⋯⋯你話係唔相干嘅人都算啦，如果係長老做呢啲角色，係咪真係可以話埋佢一份先？父母想教仔，根本唔想教育埋長老喎，更何況一定唔會有任何開心嘅結果。
講到呢度只想問一句，如果有一日小朋友被寵壞，最受罪係邊個呢？
