家有BB本身已經精神緊張，如果仲有唔肯合作防疫嘅家人，簡直係媽媽嘅噩夢！喺網上討論區見到有人話奶奶仲日日落街飲茶，又唔肯戴口罩。重點係佢仲會抱BB⋯⋯真係見到都覺得驚啊！網民都紛紛表示同情，仲引出唔少「天涯淪落人」：
「其實戴口罩都唔夠，最弊佢哋隻手唔知摸完邊度⋯⋯」
「話為BB 好都唔得？通常老人家唔驚自己嗰頭近但為左個孫乜都得。」
「睇電視個個老人家排晒隊都要買,驚冇口罩戴,唉....屋企嗰個」
「是否想慳住口罩, 留返俾你們用 ?」
熱門討論：奶奶出街唔戴口罩
熱門討論：奶奶一日出街幾轉唔帶口罩
熱門討論：奶奶出街唔戴口罩
熱門討論：奶奶一日出街幾轉唔帶口罩
明明個個都忙於防疫，偏偏呢個時候奶奶話「我唔怕」，仲嫌你太緊張！你話唔怕人哋先最怕呀～點可以掉以輕心㗎？雖然而家看似好多康復者出院，但冇人知以後會唔會有咩影響，更加唔係每個人都咁好彩！
好多老人家成日話「我惹到都唔緊要啦」，覺得自己咁大年紀已經享夠福。又或者覺得經過沙士都冇事，冇嘢好驚啦。但一單還一單，有冇諗過我哋係有下一代㗎？惹到傳染病從來唔係一個人嘅事，為咗BB小心啲有咁難咩？更何況都絕對唔會想見到奶奶有咩冬瓜豆腐囉⋯⋯（大吉利是）
就算唔係防疫期間，屋企有BB時都好應該注重吓個人衛生啦～唔係想嚇老人家，亦唔係想杯弓蛇影，只求大家做好基本去保障返彼此。減少出街、戴口罩同洗手，就係咁簡單！
