2020-10-15

2.2K

【傭家有道】女傭當街煲煙少主罰企硬食 網友:呢啲工人想點?真係活出真我

香港有唔少雙職父母都要靠工人姐姐照顧仔女,有時姐姐對住仔女嘅時間遠比父母多,與此同時,家中大小事務,唔多唔少都要交畀姐姐處理,真係可以話將半頭家都付託咗喺佢手上,若然請到個相處唔啱feel嘅姐姐,都確係幾頭痛,你話如果,再加上對方品德上有問題就更加令人崩潰!

近日有媽媽就喺facebook嘅「外傭僱主必看新聞訊息」群組中分享咗一張照片,圖中一名女性正喺「指定吸煙區」中吞雲吐霧,而旁邊相隔約一米距離外,仲有位幼童「相伴」:「呢個工人係到(喺度)食煙,小朋友係(喺)旁邊等!」,照片惹來網友們紛紛討論,力斥該位工人姐姐離晒譜!「希望家長睇到。」、「唔該拎張相通知學校,請學校通知家長。」、「最低限度 都送咗個小朋友返學先食啦。」

更多文章:【有愛姐姐】花兩日時間特製印尼生日餐 賀僱主生日

更多文章:【巧手姐姐】自硏紥辮款式 人媽大讚:應發掘姐姐長處!

依靠工人姐姐湊小朋友呢樣嘢,絕對係「山高皇帝遠」就算畀你裝到成屋都係閉路電視,其實都唔係萬全嘅方法,睇到有網民話:「聽講依家好多工人都食煙。」,鯊魚太真係暈得一陣陣,除咗喊出嚟都唔知可以點;雖然你可以話:其實都有唔少煙民父母都係咁,人哋點湊小朋友確係唔到旁人插嘴,但講緊工人姐姐帶住小朋友食煙,父母可能完全不知情?就算你話佢打工啫,食煙都算係人權,咁真係至少都唔好要個小朋友睇住你食?

面對僱傭問題,相信依家有唔少人都覺得好姐姐難求,而且唔係凡事都可以套用「你對人好,人對你好」嘅道理,可以做嘅就只有「自求多福」。

資料來源:外傭僱主必看新聞訊息@facebook

【編按:以上內容為作者之個人意見及立場】

相關文章

【傭家有道】財務公司扮教會來信追數 外傭借錢走佬僱主點自保?

【傭家有道】自己和僱主衣物處理方法大不同 網民:炒咗佢啦

緊貼新冠肺炎最新相關資訊