香港生活成本高，雙職家庭愈來愈多，許多家庭都會聘請外傭照顧小朋友和料理家務，不過當外傭姐姐身體出現問題時，僱主就最頭痕。有港媽在網上發文，指剛入屋的外傭因為頸部腫脹而求醫，懷疑患有淋巴癌，她自問沒有能力去照顧一個病人，但另一方面卻擔心不能辭退她。
該名港媽在親子王國討論區以「急！姐姐到咗屋企未一月，宜家懷疑惡性腫瘤！」為題發文，指近日聘請了新的外傭，對方本來為她的親戚工作，而且表現良好，「咁啱親戚要移民，我哋需要姐姐，覺得係信得過，面試咗之後就請咗佢。」在入職前，外傭經過驗身但一切正常，怎料入屋一星期後，對方表示頸部腫脹，要求看醫生，求醫後懷疑患有癌症，「幫佢book咗政府診所睇醫生，估唔到醫生俾咗封轉介信，話佢可能係淋巴瘤。」
當她知道後，一方面擔心無法辭退姐姐，一方面擔心沒有能力陪她醫病，「我見到轉介信果時，心真係好亂，接觸佢時間太短，一來我哋屋企就出咗呢種事，都唔知佢係有心隱瞞定無意。」她表示，曾經求助中介公司和勞工處，但仍然感到無助，「我問過勞工處，勞工處就話宜家呢刻，冇病假紙、確診證明，我哋炒佢法律上係冇問題嘅。但問agent，agent又話要我睇吓醫生點講先，因為有咗轉介信，我哋用咩理由炒，都係有機會被工人告。」
她表示，如果要醫治姐姐，一方面要面對巨大的心理壓力，而且又有經濟上的考慮，「我真係唔想。本身請姐姐就係為咗照顧小朋友，宜家無啦啦多咗咁大件事，我哋都好難處理。唔單係因為錢嘅問題，如果真係腫瘤，對我哋屋企來講，心理壓力都係好大。」而且，她們與外傭只是認識了短短一個月，沒有太多感情，「要我無啦啦醫個非親非故、相處唔到一個月嘅人，我真係做唔到。」
帖文引起討論，有人建議她給外傭一點金錢，勸她辭職回鄉醫病，「如果咁既情況，我會用俾多一個月工，勸她自己辭職，回鄉是最好的選擇，擔心萬一情況嚴重返唔去。」、「我同事個菲傭做咗兩個月，確診乳癌，同事俾咗二萬蚊佢，叫佢返家鄉醫，可以有家人陪伴照顧。」
