自從我懷孕開始，就膽粗粗咁加入左媽媽圈。同一些素未謀面既媽媽交流，我人生真係第一次同陌生人傾計（笑），真係覺得好神奇。
記得最初一齊準備BB嘅用品，到一個個入院生產，到每晚既餵夜奶，到bb加固，學行，報n班，都會互相鼓勵，大家傾下點解決問題。
一堆同年同月生既小伙伴
曾經有人同我講，覺得媽媽圈係一個是非地，叫我唔好加入。話女人多，自然是非多，仲有好多bb之間既比較，會令你覺得好辛苦。
我覺得唔係咁樣，我覺得媽媽圈就好似一個社會既縮影咁，入面有好多唔同既人，合則來，不合則去，唔洗咁上心。不過大家都有共同嘅目標、經歷緊相同嘅經歷。目的都只有一個，都係為左自己bb。有唔明白嘅地方，總有一兩位戰友幫到手。有開心嘅事分享，大家會一起替你開心。灰心嘅時候，總有人給你鼓勵。
一起去Picnic，一起食Tea
會比較嗎？其實係睇個人心態。你點睇件事，件事就變成點。有人話大家乜都比較，比進度，比較誰較叻。事實真的大家在比較嗎？每個bb嘅進度都不同，沒甚麼好比較呢。媽媽圈話題當然係bb啦，人家只是閒聊自己bb嘅進度，分享下bb嘅有趣事，沒什麼意思的。大家可以都分享下自己嘅進度，育兒心得等等，係我心目中係一個好好嘅交流。人家說bb做到了甚麼甚麼，我地會互相讚賞，不過唔代表我覺得自己bb有甚麼比不上的。
我地做媽媽，要教育bb，要欣賞別人優點，都欣賞自己優點，別人做得好的，我地給人鼓勵，而自己要虛心學習，唔洗去看低自己，因為每個人都係獨特的。呢個係好好嘅身教呀，而且寶寶們有一些小伙伴一起長大，不是很好嘛？
一片混亂既中秋晚會(笑)
小伙伴們定期有些活動，互相學習，呢個先係當初加入媽媽圈嘅真正目的。我發覺，BB們真係會互相學習，一起進步，我地做媽媽的，都很開心，很鼓勵佢地一齊玩多點。
BLW BB及TW BB都好，我地都學會用餐具了。
係我嘅角度，寶寶係世界上多個朋友，多個伙伴，不是很美好嘛？如果我地大人把互相欣賞，演繹成互相比較，甚至係一場比賽，不是一開始就與人劃清界線，咁媽媽圈內可以怎樣交流呢？
所以我很感激我媽媽圈內每一位媽媽，我哋雖然相識時間很短，但一起經歷很多很多，我地只會互相欣賞，互相鼓勵，互相分享。而我地BB都一起成長，互相學習，一起進步。我覺得咁樣才是當初加入媽媽圈嘅真正意義。
我地係一堆因為BB而成為好朋友嘅女人，仲有幾個無出鏡(笑)
就從今天起，大家嘗試走開一點，從最初心嘅目的再出發，你會發現，少好多敵人，世界又可愛一點了。
楠媽
