上一篇提到【戀B症】
各位爸爸媽媽媽都病入膏肓
無論您去到level幾
都只係診斷到你患上戀b戀到發曬狂症
冇咩大礙嘅
不過解鈴還需繫鈴人
好彩你哋個金菠蘿就正正係靈丹妙藥 各位病向淺中醫!
每逢Blue monday
都真係好想唱番首#邊一個發明要番工
唉星期六日先同阿b大玩特玩
過左一個快樂的親子週末
天哦！咁快又到星期一
加上出門小寶貝喊住咁叫你唔好番工 陪我玩啦
果下真係眼淚在心裡流
望住隻錶 嘩就遲到 叫寶貝開電視睇住pigpig豬先
爸爸媽媽好快番
就係咁【憶b症】又發作
唯有拎部電話出黎 search番d BB笑聲片
睇番個傻豬笑到咔咔聲既video無限loop 好治癒哦!
好不容易 捱到星期三……
#番工放工 幾點至夠鐘？
Sick leave要點用? 開會有乜用?
唉！開會照完肺 食左幾隻死貓
返埋位望望電話 9個屋企未接來電
先醒起小寶貝啱啱學識打電話
一回撥 即聽到"好掛住您呀！快d番屋企陪我玩吖"
真係又要拎部電話出黎 吸一吸阿b既靈氣
成千上萬張既阿b selfie 相playhouse 相 親子農莊相
再加上扮工室枱上的小寶貝即影即有 手電wall paper....
"B全部都係B" 吸完阿b既靈氣 又要番去扮工等收工！
Happy Friday又到 又可以plan下週末同小情人去邊庋拍拖
正當扮工之際 突然上司叫左入房坐低傾大計
"唔 海外分公司有大project 希望派你過去跟 哩個係大好晉升機會……"
(但係我個細b出世無幾耐咋喎…你唔係唔知呀嘛....仲做緊泵媽....心裡在碎碎念著)
上司接著說"你無問題 人事部會同你安排機票
下個月出發 至於人工同allowance 方面......."
為左二寶又Playgroup 又國際學校 又搬屋轉校網
又要學哩樣果樣 真係倒水式洗錢
今次真係唯有#做隻出色的馬仔 任勞任怨時運低
作為要出trip既家長 同小寶貝facetime video call 係牽腸掛肚既解藥
空姐媽媽 Buyer媽媽最懂的！
終於捱到快樂星期六
倆口子時 老公叫做運動
只願宅在梳化上煲劇 又話眼訓又話累
而家多左個阿b就好似能量補充飲品送你一對翼咁
上山下海冇難度 公園跑數十個圈easy job
親愛的星期日 竟然作病
但係擔當媽媽一職 能死不能病 一家大細靠曬你
"媽媽 我想玩玩具 媽媽 我想聽故事 媽媽 我想食蘋果"
在牀上的妳被"媽"醒了 妳休想能安靜地藥後抱頭大睡
爸爸攪唔掂 唯有要帶病上陣
今次真係有咩病都不治而癒啦！
鐘意米高媽媽既分享
可以順手like一like包包陪細佬b看世界 facebook專頁支持下
