【育兒有感】「三陪」父母

早排趁暑假，第一次帶大囡去旅行，近近哋，過澳門。（係，就係剛剛十号風球嗰幾日，無電無水無車無船，周街地下都係玻璃碎）
今次旅行，好能夠體驗到「三陪」對小朋友成長的重要 - 陪玩，陪吃，陪瞓

陪玩 - 我們整個旅行都陪住大囡玩，去了幾個兒童室內遊樂場，輪流陪大囡跑上跑落，爬高跳低，攰過個囡。但見到很多家長只是坐在一旁玩手機，小朋友自己玩，這樣只算是 「帶小朋友去玩」吧。

陪吃 - 平時工作關係，未必可以每天同小朋友同枱吃飯，但原來一餐飯，除了飽肚，還有其他得著。
旅行期間，出外進食，沒有電視，沒有玩具，不准用電話，大家會搵話題傾計，一餐飯，大家交流時間，多過平日一天。

陪瞓 - 小朋友放完電，食飽飽，自然瞓得好。小朋友都喜歡Bed Time Story 睡前故事; 但如果好似我咁唔擅長講故仔，不妨同小朋友Pillow Talk 枕邊俏俏話。傾番今天發生的事情，開心唔開心都講，可以令小朋友習慣分享自己的感覺心聲，有個同父母共享的私人時間。

所以，「陪小朋友成長」，比「帶大小朋友」更重要。