2020-06-25

639

別隨意批評別人的家庭問題!

雖說家醜不外傳,但當遭遇到育兒嘅苦與淚、生活上嘅壓力,難免會向身邊嘅親朋好友傾訴,或者喺網上匿名發表呻下。呢啲時候經常會出現一啲正義人士,批評係你本人嘅問題,甚至話「呢啲小事唔應該拎出嚟講」。

熱門討論:覺唔覺得有啲人好鍾意潑人冷水丶站在道德高地

熱門討論:覺唔覺得有啲人好鍾意潑人冷水丶站在道德高地

最近喺Forum碌到呢個Post,講好多人都會對其他人嘅事抱持負面態度,Juicy媽表示一千個認同!可能你會話:喂,忠言不嬲都逆耳㗎啦,你唔想人畀意見你,係咪淨係想圍爐取暖先?

之不過,有時將一件事講出嚟,好可能係已經承受好大壓力,需要搵個出口發泄。被人潑冷水,反過來責怪嘅滋味認真唔好受。借用網民個例子:婚姻問題就勸人即刻離婚、仔女反叛就叫人斷絕關係,再加上一句句「好小事啫」、「你自己攞嚟」、「其實係咪你做錯在先?」⋯⋯Juicy媽只可以話,站喺道德高地講呢啲說話好易。但一家唔知一家事,亂咁批判只會傷害到人哋。

網絡可以話係社會縮影,香港人壓力都夠大啦,連少少煩惱都被人批判,真係唔知點過日子。「將心比己」四個字係好老土,但係真係好需要囉~

【編按:以上內容為作者之個人意見及立場】

相關文章

【媽媽心聲】「原來我唔知道自己都有需要。」

給妳8個新年【唔去拜年】嘅理由

在職全職媽媽辛苦了

為你打氣每一天!31句JM激勵座右銘

緊貼新冠肺炎最新相關資訊