有冇人因為自己唔靚而唔想生BB？

呢條看似唔多合理嘅問題，其實可能好多太太都曾經有諗過，至少我自己有呀！回想學園年代，唔知點解畀人排斥，或者整蠱嘅同學，都似乎屬於頭茸茸同唔多起眼嘅類型，唔係話佢醜怪呀，起碼都唔係校草校花級；加上「外貌協會會員」真係一街都係，你話靚仔、靚女無優勢就呃人架啫！

對於呢個有少少唔公平嘅議題，JM們都各有睇法：「因爲我細個唔可愛，嗰老師對我好差，怕個仔同我一樣」、「我全家都唔靚，仍然勇敢地生活落去⋯」、「我女唔靚，望落個樣仲好串，但响我同我老公心中係最可愛 」，又啱嘅，其實再諗深一層，做人又唔係咩都話要有優勢嘅，老土啲講，心善則美，而且每個小寶寶都係自己父母嘅心肝掟，邊有話唔靚咖啫！唔Sell靚女咪賣氣質囉！

再諗返轉頭，細個畀人蝦嘅同學仔，除咗因為唔起眼，都好似仲附帶一啲條件，例如成日向老師報告，又或者鍾意炫耀！？所以講到最後都係性格改變命運，靚同唔靚真係無須太過介意，幫小朋友建立自信，培育佢做過有禮謙卑嘅人，相信一樣係人見人愛！

即上討論區一齊傾