父親節係幾時？

原來星期日就係父親節，但成日好似唔覺唔覺就過咗，總之唔會好似母親節咁重視。其實媽媽的確好偉大，記得細個老豆返工，得阿媽做家務同照顧我哋，真係一腳踢；由起居飲食，有冇頭暈身㷫，讀書寫字簽回條，都係搵阿媽。

 

但時代唔同，宜家阿媽都要返工，做老豆放工返屋企都要幫下手做家務同湊下仔先算得係廿四孝爸爸。當然做老豆辛苦少少都冇問題，而一年三百六十五日都好應該搵一日credit一下啲好爸爸，唔好再年年送剃鬚刨咁冇heart丫。