2020-05-07

1.3K

老公叫我諗節目同奶奶慶祝母親節⋯⋯我唔使過節咩?

做咗媽媽後,理所當然覺得自己一定係母親節主角。點知現實係,你仲係媽媽個女,而且仲係一個新抱⋯⋯有網民喺討論區吐心聲:以往母親節係分開慶祝,今年因為同奶奶同住,老公就嚟問:「點慶祝母親節好?」但指明同奶奶一齊食飯!明明⋯⋯以前母親節老公都會安排好晒節目,今年變咗要自己安排 「母親節」畀自己過?定自己根本冇份過?!

討論區熱話:99同住應該點安排母親節活動呀?要同99 開心Share母親節?

討論區熱話:99同住應該點安排母親節活動呀?要同99 開心Share母親節?

有網民話,既然我都冇份過,點解我唔返娘家同我媽過母親節?又有網民話,奶奶都你親人,使乜分得咁清楚?咁就要睇本身關係好唔好啦⋯⋯關係麻麻又同住,唔通要慶祝兩次母親節?

有人可能會話,都係一日半日啫,使唔使睇得咁重~我又唔認同啵,唔過由事可,但而家係有份委屈:我唔係都係媽媽咩⋯⋯點解我要做搞手?據網民所講,仲要同往年有差別待遇,覺得唔開心好正常。

其實點過一個節日,唔係真係咁大不了。內心介意嘅係老公內心座微妙嘅天秤。喺節日安排中,究竟係當你係公主咁氹,定當你妹仔咁勞役⋯⋯唔係話分你阿媽定我阿媽,但都奉勸各位老公,為母親盡孝同時,都好好氹下身邊嗰個,為你由少女晉升媽媽嘅女人!

【編按:以上內容為作者之個人意見及立場】

相關文章

緊貼新冠肺炎最新相關資訊