剛復課無耐，香港又再因疫情爆發而停課！雖然好明白留家抗疫係相當重要，但家長們又要再諗下法子同子女渡過一場抗疫戰。邊個話出街先可以扮靚靚？留係屋企都可以滿足囡囡天生愛打扮呢個特質，紮完頭髮仲可以影張靚相send俾四大長老睇，等佢哋望「妹」止渴！
更多文章：6大氣質夏日編髮 實用教學大公開
可愛孖辮篇
單單鬢兩條低孖辮或高孖辮，無可能滿足到時下媽媽嘅要求。其實孖辮都可以變化多端，可以充滿造型感！日本媽媽們就巧妙咁利用橡筋、髮夾等頭飾，為妹妹們編出一個個又特別又好睇嘅髮型！，真係落足唔少心機。家長們趁呢段時間一於齊齊研究下點樣為囡囡設計一個更吸引人目光嘅髮型啦！
更多文章：告別一頭亂髮 輕鬆打造完美髮型
變奏馬尾篇
馬尾一向係快手媽媽嘅熱愛款，輕鬆幾秒就可以紮好出門口。不過喺屋企時間多咗，不妨試下變化無窮嘅馬尾，挑戰一下難度！唔再局限於一條簡單嘅馬尾，可以學日本媽媽咁加絲帶、鞋帶呢種日常唔會諗到嘅物品，去設計一個獨特嘅髮型！
日系髮夾篇
如果囡囡頭髮短短，又想搞啲新花款。髮夾一定係必備單品！向來日本嘅髮飾都係充滿少女味，加上夏天來臨，設計都比較五顏六色，非常適合妹妹打扮！
Instagram @anchanman__ 、@eari.k956、 @y.r.moooo
