經常聽到濕疹要戒口，例如：魚、蝦、蟹等，傳統嘅濕毒食物，仲有花生同果仁等都係容易致敏嘅類別；加上香港雲集多國美食，中餐西餐日式樣樣齊，尤其是番工一族，成日出街食飯，飲食習慣好容易就會長期食到辛辣又或者刺激性食物，而呢啲都係會令濕疹容易發生！
但如果樣樣都話濕毒就唔食得，搞到食來食去都係嗰幾樣，營養更加唔均衡，咁點算好呢？
更多文章：【護膚診症室】過期化妝品仲用唔用好？
原來而家有測試可以分析幾十款常見致敏原，包括我哋經常接觸到嘅塵蟎、花粉、樹木、雞蛋、牛奶、肉類等，而方法亦非常簡單，只需抽少少血，就可以知道自己係對咩嘢敏感啦！
知道對咩食物敏感，就可以對症下藥，唔使俾濕疹搞到冇嘢好食啦！如果對海鮮、牛肉、雞蛋等無敏感嘅話，就可以食番多啲種類嘅食物，補充唔同嘅蛋白質礦物質同維生素，體質強啲，濕疹自然又會少啲發作啦！
