呢排新冠肺炎漢肺炎搞到人心惶惶，大家都加強做清潔，喺屋企用消毒用品清潔之餘，又會勤力啲用酒精搓手液，但由於呢啲都係強力嘅消毒劑，好容易令到皮膚乾燥，甚至出現敏感情況，嚴重的話，仲可能引發刺激性皮膚炎，即係俗稱嘅主婦手，所以大家喺清潔家居嘅同時，要切記戴上膠手套！
有朋友會問，如果我對手本身有濕疹問題，戴起膠手套反而會愈帶愈痕，咁又應該點算好？其實有濕疹問題嘅你，都係一樣要戴上膠手套，之不過，若然想減低痕癢機會同情況，帶之前就要準備多一對夾棉手套喺入面，對手有層棉隔住同時又冇咁焗！
其實主婦手係可以根治嘅，只要及早求醫，同時遠離致敏原，病情不難受到控制，但相反若然置諸不理，又或者胡亂塗抹藥膏，就會令病情變得反覆，唔能夠徹底根治，仲時不時復發，皮膚隨時變得又厚又粗糙，猶如「大笨象皮」，令療程變得更為棘手。
更多文章：【新型冠狀病毒】預防武漢不明肺炎 買得到的口罩是酸的？！
更多文章：【新冠肺炎】新型冠狀病毒殺到！呼吸系統醫生提出12個注意事項
其實平時保護及保養雙手都好緊要，現時流感及肺炎高鋒期，大家洗手同消毒雙手次數都會多咗，但酒精少不免會對皮膚有所刺激，建議大家可以選用有護手成份嘅產品，例如有甘油嘅酒精搓手液，同時要多搽護手cream，一天搽5至6次都唔算多咖！薄薄一層就可以，女仕雙手保養得好，年齡秘密就唔會咁容易暴露出來啦！
圖片來源：instagram
