2020-01-23

5.5K

【新型冠狀病毒】預防武漢不明肺炎 買得到的口罩是酸的?!

武漢爆發不明原因病毒性肺炎,新型冠狀病毒引起全民憂慮,再次引發搶口罩潮,有傳某啲地區炒到成$500一盒,不過天價口罩仍然有價有巿,為咗保命,你可以去到幾盡?

最近就有JM喺討論區分享喺日租檔度以$50買咗疑似「變壞」口罩,除咗質地好薄之外,戴咗之後仲傳來酸味,真係唔知係過期定因為存放問題所引起;另外,亦有網民見到二手市埸上面,竟然有人疑似將政府口罩放賣,令人感到相當驚訝!

討論區熱話: 買口罩請小心(有酸味口罩)
討論區熱話:有人拎政府口罩放喺二手市埸賣

對於總總傳言,Juicy媽真係覺得人心仲恐怖過疫情,變壞咗嘅口罩都夠膽拎出嚟買,到底佢哋知唔知道關乎人命咖!有啲老人家真係識鬼睇咩製造日期、咩保存日期咩!一心諗住自己或者家中小朋友屬於高危人士,咪拿拿聲買盒口罩保護屋企人囉!

更多文章:【新冠漢肺】新型冠狀病毒殺到!呼吸系統醫生提出12個注意事項

對於口罩都有使用期限或者唔係人人都知,以為靠個口罩擋一擋就可以預防細菌,而事實上,一般N95口罩保存期為5年,而外科口罩或一般口罩保存期則為3年,與此同時,雖然大部份口罩都係獨立包裝,但存放方式亦有機會影響口罩效果同品質,過期口罩防護力都會減低,大家真係心急都要睇清楚!

討論區熱話: 買口罩請小心(有酸味口罩)
討論區熱話:有人拎政府口罩放喺二手市埸賣

另外,坊間其實都推出好多唔同類型嘅口罩,但原來只有兩款係可以真正有效過濾細菌,當中包括:N95型口罩同三層設計嘅外科口罩,而有唔少明星都經常用到嘅海綿口罩,其實係防唔到細菌,只適合日常生活阻隔花粉同塵埃,所以選購嘅時候,都應該留意返相關效用,以免焗住成日,最後根本同無戴無分別!

更多文章:【新冠漢肺】衞生署呼籲戴口罩!即睇15項預防措施

總括而言,其實要預防一般以飛沫傳播嘅病菌,一般外科口罩就足夠,同時亦應該避免去一啲疫情高危地區,至於喺人多擠逼嘅地方,好似話空氣唔算特別流通嘅交通工具,又或者醫院等地方,最好都係戴返個口罩,保障家人同自己健康!

討論區熱話:求各區口罩報價報貨

自香港爆出首宗確診過案,呢兩日可以話係全民恐慌搶口罩,Juicy媽又要再一次提提大家買口罩嘅時候,一定要小心睇清楚!無論係產品用途、生產日期定地區,千祈唔好貪快、貪平、貪方便,最好多係搵有信譽嘅商戶入手!

「防花粉,不防菌的。不建議買!

「Baby Kingdom mall 有日本製!(購買詳情:請按此

另外,根據BBC最新消息,武漢已採取緊急措施,在1月23日早上10點起實施武漢封城!新冠狀病毒已擴散多地,繼2003年沙士爆發後,全球再次高度關注及警剔;而根據世衞,新型冠狀病毒現階段並未有治理方法,亦沒有預防這傳染病的疫苗。(更新:20200123)

【編按:以上內容為作者之個人意見及立場】

相關文章

【疫情下向家人送暖】撰寫溫馨、鼓勵語句,有機會換領「家事研究所」遊戲咭乙份

如何與子女談論新型冠狀病毒?專家:避談可能產生更大恐懼

【防疫包包必備】米琪媽媽的口罩套分享

給我一個「罩」

緊貼新冠肺炎最新相關資訊