2021-05-30

1.6K

【提高抵抗力】虎乳靈芝蟲草花印度椰子鵪鶉湯

依排天氣熱,一出一入冷氣地方真係好易出事,一病起上嚟就大件事。剛好係吉吉島見到有鵪鶉做優惠,所以就嚟入手一份,再用虎乳靈芝、蟲草花同埋印度椰子嚟一個既補肺又可以提高抵抗力嘅靚湯啦!

 


虎乳靈芝一両、蟲草花一両、印度椰子一個、百合一両、杞子半両、南北杏約一湯匙、紅棗六粒、蜜棗三粒、鵪鶉兩隻、瘦肉約$40

買印度椰子嘅時候店主姨姨會代為切片,所以返到屋企洗乾淨就可以。
蟲草花浸軟身之後,然後要擠乾水份。
紅棗洗乾淨後去核。其他材料浸約一陣。

瘦肉汆水備用。
鵪鶉先去掉內臟,清洗乾淨,然後凍水放入汆水。


煲內放約3L水,然後加入所有材料。待滾起後,先用大火加蓋煲約15分鐘。之後轉慢火加蓋煲多1.5小時。最後加少少鹽調味就可以飲得啦。

 以下係各食材嘅功效,可以參考一下呀(網上資料) 

鵪鶉 - "動物人參"之稱,鵪鶉肉是典型的高蛋白、低脂肪、低膽固醇食物,可以補益五臟及補中益氣,而且仲不寒不燥。 

虎乳靈芝 - 對補益肺氣及提高免疫力好有幫助。

印度椰子 - 有助清燥熱、止咳功效、滋陰補腎、潤肺養顏的功效。

蟲草花 - 不寒不燥,具有補肺、補腎和護肝養肝的功效。

紅棗 - 補脾和胃、補中益氣、養血安神的功能。

百合 - 能夠解毒、安神、治療咳嗽失眠,對女性來說還能夠很好的抗衰老。 

杞子 - 潤肺及養肝明目的功效。

南北杏 - 有止咳平喘、潤腸通便功效。 

蜜棗 - 止咳潤肺、化痰平喘功效。

 溫馨提示:

由於個別人仕體質不同,所以大家記得煲之前了解下自己,如有疑問,請先向註冊中醫查詢!

【編按:以上內容為作者之個人意見及立場】

相關文章

【幼兒飲食】歲半B食紅蘿蔔即嘔吐無胃口 中醫:錯在加固只食流質!

中醫營養師不建議兒童進食5種打邊爐食物 勿選3款湯底

【健脾補腎】黨參栗子蟲草花螺頭瘦肉湯

廣東人如何煲湯祛濕?

緊貼新冠肺炎最新相關資訊