2020-08-13

5.3K

【你想安居】門外鞋履離奇失蹤!1招逼出「鄰居小偷」丫頭 :超離奇!

對於香港人嚟講,要搵到理想家園成功上樓確係唔容易,若然日日夜夜捱麵包,終於儲夠錢畀首期,諗住開開心心迎接屬於自己嘅小天地之際,偏偏遇著個不友善鄰居,相信將會係個惡夢嘅開始!

而鑑於疫情關係,為咗做好防疫,門外除鞋是常識吧,但係你又有無擔心過,將鞋履放喺門口會一放無回頭?

台灣藝人丫頭(詹子晴)日前就喺節目《2分之一強》分享曾經遇過惡劣鄰居嘅經歷,講到放喺門口嘅鞋一對一對噤離奇消失,丫頭話起初都有懷疑過係自己大頭蝦,唔知放咗去邊,直到有一日巧遇女鄰居:「她腳上穿的就我不見的某一雙鞋!」

丫頭表示由於當時住嘅單位唔算大,所以家家戶戶都會將鞋櫃放喺門口,但就點都無諗過鞋櫃竟然變咗無底黑洞,鞋子愈放愈少:「就以為是不是自己忘記拿回家。」

結果直到有一日,丫頭喺門外遇到住喺隔離屋嘅女鄰居,當時對方正著住一對「似曾相識」嘅鞋,由於「涉案鞋款」設計特別,並唔係隨處就買到,於是滿心疑問嘅丫頭就禮貌問對方:「不好意思,小姐妳那雙鞋是哪裡買的?」豈料對方即時緊張到支吾以對,仲恃勢凌人話:「我網路買的啊怎樣?」

喺雙方爭拗下,女鄰居態度明顯不耐煩,而丫頭亦愈聽愈嬲,於是直指涉案鞋子表示應該係屬於自己:「這個牌子很特別,網路上是買不到的,我要去看監視器(閉路電視)!」而對方聽到之後就直接閂門了事。

最後,丫頭雖然發現並無閉路電視可能拍到門外情況,但隔日出門口嗰陣就發現「涉案鞋子」竟動自動歸位,真係超級「離奇」!

截圖來源:東森娛樂

【編按:以上內容為作者之個人意見及立場】

相關文章

【你想安居】樓上裝修致滲水滲尿液 問題拖足半年!最後咁解決…

【你想安居】十層鞋架掛大門? 網民:財不入污門

緊貼新冠肺炎最新相關資訊