長輩生日，賀禮永遠都是令人頭痛的事情，如果是新抱送給奶奶，就更需要好好構思，否則一不小心就會再次引起婆媳戰爭。有網民日前在網上討論區發文，指自己的朋友在奶奶生日時，封了100元利是而激嬲奶奶，令她不禁感慨「好唔好意思呀」，事件引起網民熱議。
該名網民日前（15日）在香港討論區以「奶奶生日送$100蚊利是好唔好意思呀！」發文，指朋友的奶奶早前生日，不料奶奶收到新抱的禮物後十分生氣。網民初時百思不得其解，認為有心送禮是好事，難以理解朋友究竟送了甚麼禮物才令奶奶如此生氣。
網民細問下得知，原來朋友封了一封100元利是給奶奶，更強調「我冇打少個零㗎」。她認為有心是好事，但只送100元利是又難怪奶奶會生氣，更表示100元可能午膳叫兩個餐也不夠錢付。而且最近派了2000元消費券，朋友亦並非手頭緊，送給老人家的生日禮物只有100元好像說不過去，「用消費券買貴少少嘅禮物送畀奶奶都好呀」。
帖文引起網民熱烈討論，有人認為送禮是心意，「送禮嘅嘢，講心意嘅啫，而且現金好吖，實用得著」、「其實將心比心，你生日時，佢有無記得？有無話同你食餐飯慶祝？同埋每人經濟能力唔同，養家比家用、子女學費、成家人生活費、工人費用、保險，好難用一個數字去衡量」。
亦有人認為是禮數問題，封100元利是甚為不妥，「係我就用消費券買禮物，好似按摩椅，又或者一啲貴價少少嘅食材都好呀，100蚊真係乞衣咩」、「點解後輩封利是畀長輩，正正經經買個靚嘅果籃好過啦」、「根本唔係錢問題，你輩份大過奶奶？唔係做咗咁耐人都唔識呢啲道理，利是係長輩俾後輩」、「版主朋友真係好小氣！呢個係唔識做的最佳代表！老人家好易相處，一係陪她飲茶行街聊天，一係俾封大利是」。
帖文來源：香港討論區
