2022-02-17

6.5K

【孕婦確診】懷孕29週孕婦發燒染疫 需打薄血針簽開刀同意書:好驚影響到BB

本港第五波疫情持續惡化,染疫人數不斷攀升,其中孕婦確診者數量亦有上升趨勢。醫管局昨日表示,過去兩星期有超過60名孕婦確診新冠病毒,超過第五波疫情之前兩年共50名孕婦確診。有不幸染疫的孕婦在網上討論區發文,指自己因為發燒到醫院求診,證實確診新冠肺炎,目前正在負壓病房留醫,經檢查後BB心跳和超聲波一切正常,但需一直打薄血針直至BB出世。

該名確診孕婦在親子王國討論區以「懷孕第29週不幸確診了」為題發文,指自己前晚(15日)突然發燒,沒有傷風、流鼻水、喉嚨痛等徵狀,但背脊和小腹疼痛不已,深知不妙,因此在昨日早上七時多到那打素醫院進行快速測試,「可能自己撩得唔好,第一次結果係陰性,以為可以鬆一口氣,咁姑娘就建議幫我叫架白車去威爾斯婦科入院做個檢查。」

更多文章:【初步確診】7間指定診所今啟動 初步確診者可電話預約求診

事主到達威爾斯親王醫院後,再做多次快速測試及深喉唾液檢測,結果是陽性,「我啲眼淚好不自覺咁流出嚟,好驚影響到BB,唔知點算好。」其後孕婦獲安排入住產科負壓病房,進行多項檢查,包括用鴨嘴鉗抽取分泌物化驗、抽血,接著檢查BB心跳、陰超、超聲波全部正常,亦沒有早產跡象。

在等待深喉唾液檢測報告期間,事主要簽署多份文件,包括手術同意書,「都係有啲咩事要開刀嗰啲同意書,我一路簽一路喊,早兩日私家診所睇到BB先兩磅,如果而家出世好驚有啲咩事⋯⋯」之後護士教事主在肚皮打薄血針,每24小時打一次,直至孩子出生。晚上8時多,檢測報告有結果,事主證實感染新冠肺炎,而且病毒量高,「我又頓時覺得好徬徨,點解會咁,我淨係驚病毒會影響到BB⋯⋯然後決定問吓醫生如果而家提早開刀拎BB出嚟風險會唔會冇咁大。」

更多文章:單一星期有30多宗孕婦確診個案 婦產科教授:打針抗體或能傳給嬰兒

由於事主有發燒症狀,醫生處方了兩粒必理痛及兩粒止痛藥予她,事主在昨晚已退燒,正等待轉去內科負壓病房。事主未有接種新冠疫苗,丈夫以及老爺奶奶已做快速測試,結果呈陰性,以防萬一亦到檢測中心進行鼻咽喉拭子檢測,正等待檢測結果。事主坦言自己十分幸運,在這個時候有醫護人員照顧,又有單獨病房可以隔離,「起碼唔使瞓喺醫院外圍等,又或者係屋企冇人理。」

不少網民紛紛在帖文為事主加油打氣,「祝你大步檻過,吉人天相」、「願主祝你同BB一切平安順利!」、「媽媽加油呀!好好休息,快啲好番!你同BB都平平安安」、「加油呀媽媽!知道你辛苦。」

醫生:染疫孕婦早產機會高兩倍

近期孕婦染疫數量增加,醫管局婦產科統籌委員會主席歐陽錦全表示,孕婦感染新冠病毒,出現併發症的機會較同齡婦女高,較大機會入深切治療部;另外根據數據,孕婦確診後,嬰兒早產的機會是一般孕婦的兩倍。

帖文:

懷孕第29週不幸確診了
懷孕第29週不幸確診了 part 2

新冠肺炎快速測試劑:

BKMall抗疫專區,一件免運費! 即買新冠肺炎快速測試劑

Simba 新型冠狀病毒SARS-CoV-2 (COVID-19) 檢測試劑盒

Dvot 新型冠狀病毒SARS-CoV-2 (COVID-19) 抗原檢測試劑盒

BIOSYNEX - COVID-19 新型冠狀病毒抗體快速測試 | 識別無症狀感染


相關文章

【跟住小編做媽咪】打無痛後真係唔痛?中大醫院順產經過及收費公開!

9月30日起5歲或以上訪客到校須持疫苗通行證 面試或校際比賽可獲豁免

【家長心聲】小朋友快測當玩具 港媽無奈:唔想童年玩具係快測包

【跟住小編做媽咪】母乳媽媽確診!人奶唔要得?病後靠上奶神器補倉!

緊貼新冠肺炎最新相關資訊