2020-09-29

8.8K

【恐怖老爺】老公出差不在家 媳婦一開房門驚見老爺自瀆

婆媳關係好難協調得好,其實同老爺關係都唔係咁易處理。早前台灣有個婦人向佢朋友求救,希望可以有個地方落腳。原來係因為佢老公出差唔喺屋企,佢喺個女間房行出嚟想拎嘢嘅時候,竟然見到老爺喺少婦間房門口自瀆。佢朋友二話不說就話叫佢同個女執好嘢,即刻去佢屋企接佢咁話。

更多文章:【婆媳相處】體諒新抱忙碌主動照顧孫女兼準備早餐 新抱大讚絕世好奶奶

如果,萬一咁唔好彩,畀Juicy媽我見到,我都真係唔知應該點樣畀反應好。呢位少婦嘅朋友就將件事放咗上網,話當時車兩母女去佢自己屋企「避一避」嘅時候,佢兩個一上車就開始喊。發文嘅人就話,事主個女都已經中三,所以應該都知發生緊咩事。事主就同佢老公講,要求一家三口可以搬走,如果唔搬走就要離婚咁話喇喎。

好在事主個老公話,先將事主同個女安頓喺朋友屋企,慢慢搬啲嘢過去,幫個女轉學再搵屋,轉學都係為咗等個老爺搵唔到佢哋,同埋唔會去學校騷擾埋個女。不過,事主老公都擔心阿爸有老人痴呆症,所以搬咗出嚟之後就會同阿爸去睇醫生。個老公仲話,「現在是處理這件事重要,別的不重要了。如果再不行,就帶老婆孩子回娘家。」

唉,都咪話唔驚,好在事主話老公都叫做有處理,真係二話不說就搬出去,同埋好在有好朋友幫到手。好多網民都話,事主老爺好恐怖,真係成世人嘅陰影。不過都有人擔心佢老爺係老人痴呆,自己都唔知自己做緊咩。不過點都好啦,希望快啲解決啦,真係唔嚇死都尷尬死呀!

其他網民留言:

「我爺爺一生都很正常,但70歲後不知怎的,會常常跑去看牛肉場,我們那時聽家人在講,也有嚇到。覺得怎麼變這樣。」

「有時候是生病了的關係,我的外公老的時候得了阿茲海默症又失智,也會莫名的騷擾自己的女兒和孫女。」

「好可怕,而且還有國中少女,真的要搬出去!」

「好可怕…希望能順利趕快搬走,如果小孩看到心裡會有陰影吧……」

 

【編按:以上內容為作者之個人意見及立場】

相關文章

剛懷孕得知胎兒性別即被奶奶催生二胎 港媽感崩潰

【婆媳關係】奶奶婚前大方送禮 婚後規定用電 人妻:當我親人定外人

【家庭關係】老爺腳臭 港媽不敢開聲怕傷自尊心 阿仔:唔想同爺爺坐

奶奶要求把腹中兒子送給不孕叔仔 孕媽嬲爆:寧可不生

緊貼新冠肺炎最新相關資訊