外國人性格熱情、不拘小節，但並不代表他們無禮貌，因此不要以「鬼仔性格」、「鬼妹性格」當作自己無禮貌的藉口。有網民日前在網上討論區分享自己一名「港女」親戚的奇葩行為，指對方在家庭聚會中挑三揀四，用餐時又取笑小朋友食相欠佳，並批評小朋友家長「唔識教仔」，隨後被長輩指責時，卻指自己是「鬼妹仔性格」來掩蓋個人的無禮，事件引起網民熱議。
該名網民日前（23日）在香港討論區以「冇禮貌就話自己係鬼仔性格」為題發文，提到自己有一名親戚「出名港女脾氣又有公主病」，早前與一班親戚食飯聚會，平日因有長輩關係通常會到酒樓用餐，但該名「港女」親戚卻略感不滿，並表示「點解次次都要嚟酒樓食，去食下西餐唔好咩？成班好似未見過世面，淨係識食中菜咁」。「港女」在點餐後稱自己正在節食減肥，認為大家叫的餸菜太油，要求用熱水沖一沖再吃。事主當時覺得她很煩，「不如唔好黎啦你估我地又想同你食咩」，但眼見「港女」母親未有出言制止，於是大家都決定忍耐。
《愛回家之開心速遞》劇照
到用餐期間，「港女」嘲笑某位親戚的小朋友食相欠佳，食到滿臉醬汁，又指對方沒有家教才會教到小朋友食相如此難看。但事主認為，小朋友的父母都沒有出聲，加上小朋友剛學習自己吃東西，難以要求他吃得雅觀。該名小朋友的父母聽到「港女」的說話後即時黑面，但仍然忍住不出聲，「港女」卻得寸進尺再表示，「唔識教唔好生，唔好淨係掛住享受過程」。
其後，有長輩忍無可忍出聲斥責「港女」，並向她表示「講嘢唔好咁過份，同埋食飯唔好講咁多廢話」，但「港女」卻沒有因長輩的說話而收斂，反而理直氣壯地表示自己是「鬼仔性格」，「講嘢直接啲，但自己冇惡意」，又指自己曾在外國留學又是空姐，無法理解現在的港人為何這樣教導小朋友。
《愛回家之開心速遞》劇照
但事主指出，「港女」只是曾在外國入讀暑期學校，並非真正的回流學生，笑言「你唔好話去過旅行話自己回流？」而事主母親在回家後亦向他表示絕不要找這類人作為女朋友，「揀女朋友真係唔好揀呢啲，真係頂心杉嚟㗎，明明自己冇禮貌就話自己係鬼仔性格」，更揚言「以後知港女會去食飯，我哋成家都唔會出現」。
相關帖文引起網民熱議，不少人批評「港女」親戚的言行，「失禮、無家教正宗港女」、「呢啲就真係正宗無家教！」、「公主癌」、「問題係佢覺得鬼佬就等於無禮貌？條港女真係好見多識廣喎」；亦有人認為事主可以即場教訓「港女」親戚，而非事後於網上「圍爐」，「「成團枱咁多人，既然已經有人出聲話呢條港女，其他人都唔夠膽出聲，香港人真奇怪」。
