2020-11-15

905

【每天都是新手父母】孩子才是我們最好的教養小老師

講到教養,其實真係一門好高深嘅學問,面對仔女每日嘅成長同轉變,即使我哋做咗幾多年父母,其實每一日都係「新手父母」,而正所謂無人完美,作為父母一樣都會有軟弱嘅時候,時有不足亦會做錯,重要嘅係我哋懂得如何正面面對當中嘅失誤,適當嘅時候,懂得放下身段同仔女講「對唔住」,每一件事都可以成為教養嘅好題材。

更多文章:在職媽媽的WFH日常:「對不起,媽媽的冷淡待慢了你!」

成長的課題

隨住定咩一日一日嘅成長,佢比我哋嘅課題亦愈多,有啲道理同處事方法,唔好話一個就嚟4歲嘅小朋友唔係一聽就明,就連我哋做大人嘅都未必講一次、經歷一次就即時學得識;好似話遇到仔女喺街度扭計,係咪每次自己都可以保持冷靜同佢講道理?係咪無論咩心理狀況都可以保持耐性?如果真係因為個人情緒,甚至係誤會咗小朋友,自己又係咪可以面對錯誤,誠心地向佢道歉?喺定咩成長嘅同時,我哋都一樣成長中,教養之路「終生學習」大概如此,除咗知識上嘅領悟,反思都係一種學習。

更多文章:【爸媽的抉擇】超大B同超細B分別大不同 「有時根本唔到你揀!」

"有時候,仔女比自己更懂事!"

從錯誤中學習,從體驗中搵到更加適合自己小朋友嘅方式,過程中你會發現仔女可能比你想像中更懂事、更窩心;佢嘅表現中,其實都算係一張唔錯嘅身教成績表。

雖然自己唔係啲咩教養專家,但講到了解自己嘅小朋友,相信作為父母嘅應當比任何一個專家都更清楚,而且成日都講啦,每個小朋友所需要嘅教養方式都唔同,時刻提醒自己「勿忘初心」,同時容許自己有犯錯嘅空間,從仔女身上學習,每對父母都可以成為仔女嘅「好學生」。

【編按:以上內容為作者之個人意見及立場】

相關文章

【爸媽心聲】爸媽驚覺小朋友大個仔大個女的瞬間 識駁嘴竟值得開心?

【爸媽心聲】家長嘆養育小朋友開支大 問及為何仍選擇生育引討論

【港識教養】小一女兒精心製作昆蟲標本 日本爸爸分享求Like 結果…

【港識教養】天水圍男童 街市捉活蝦摔地再踩兩腳 街坊:父母呢?

緊貼新冠肺炎最新相關資訊