生兒育女是人生大事，養育一個小朋友，需要付出很多的時間和金錢，所以夫妻對於是否生育必須有共識，否則很容易因此而影響感情。有人妻在網上發文，指夫妻就生育問題出現爭拗，丈夫更在接受生殖治療前表示很大壓力，並決意離婚，令她十分難受，不知如何是好。
該名人妻在親子王國討論區以「老公想同我離婚…」為題發文，指她與丈夫結婚2年半，感情一般，兩人經常就丈夫邀請朋友回家而吵架，「我份人比較有潔癖，疫情開始又想間屋乾淨啲，唔想佢啲朋友上嚟」，但為了夫妻和睦，她選擇妥協。
直至最近，夫妻開始計劃生小朋友，起初丈夫以疫情下經濟不穩為由拒絕，但她的性格卻十分心急，「結果又嘈交，咁佢鬧得我啱，咁嘅情況唔應該考慮生」。後來，兩人備孕數月仍然未有好消息，於是到婦科診所求醫，經檢查後發現她患有輕微的多囊卵巢症，丈夫的精子報告亦不及格，「醫生話自然（懷孕）機會不大，考慮人工受孕，人工唔得要排試管」，令夫妻都感到壓力，「當初知道我真係好大壓力，成日偷偷地喊，我都知佢都好大壓力，如果真係做人工同試管我都唔驚辛苦，因為我地都想有自己小朋友」，最後決定了7月嘗試人工生殖治療。
《29+1》劇照
怎料，丈夫突然在一星期前表示生小朋友令他壓力很大，更提出離婚，「話想單身，同埋又諗番之前大家嘈交既（嘅）野，想離婚自己一個人」，令她感到錯愕，「一直以為佢都想有自己BB，叫我唔好覺得生小朋友比到壓力佢，叫我唔洗擔心」。
她表示，自己仍然很愛丈夫，亦願意作出改變，可惜多番挽留仍得不到丈夫的回應，「我問左句咁半年後再搵大家，佢話我你唔好迫我啦」，現時她搬到娘家暫住，「每日都好掛住佢，又唔敢揾佢，其實之後仲有冇機會一齊返？」
帖文引起熱議，有人認為勉強無幸福，勸他們坐下來好好商討，「但呢段時間千祈唔好有BB」、「女人一投入愛情就係全部真心，但男人要變就變，你所有嘢都唔值錢」。亦有人認為樓主給丈夫很大壓力，「佢話生仔壓力大唔想生，寧願單身，咁你咪唔好迫佢，想挽留咪試吓遷就佢，唔得咪算囉」、「我就咁睇文字都覺得你除左俾自己好大壓力，你都帶俾另一半好大大壓力，好明顯佢同你相處抖唔到氣」。
