2021-06-08

1.6K

【理財個案分析】家庭收入8萬、60萬現金,如何買多間樓?

本人月入約60k,太太18k, 整個家庭收入約80k,股票+cash約有600k儲備,現與一對子女同住於未補價的彩X苑高層單位。

早前睇過慈雲山寶發大廈,新葵芳花園,淘大及第一城的細單位打算收租及增值,因以上單位比較liquid,攻守皆宜,而且是密集盤,現又將視綫轉移到兆康,因為發現其樓價竟然尚有4球內交易,另一邊箱亦有考慮將居屋補地價,但cash應該唔夠找數。

想問現時買多層樓,是否right timing?上面的屋苑又以哪個比較出綫?抑或我應先補地價,釋放現時層居屋的轉按,貸款功能再買野?但咁做可能要花我兩年時間。

謝謝解答

ANSWER:

Right Timing,唔關樓市升跌事,而係讀者需要用樓去槓大資產幫佢加快儲蓄。月入6萬仔女都有成對而儲蓄只60萬,說明了讀者唔用外力幫忙根本儲蓄難再上層樓。

那唔買樓! 炒股大賺如何?

近月我在證券行的朋友都較空閒,早前炒股大賺的生活已過,要在股市持續賺錢,或者希望透過股票將你1變4再變12的機會係有,但萬中只「幾件」。要試最好廿幾歲去試,看你有冇此潛質。而唔係讀者有家室之時。

更多文章:疫情下40歲生意人好唔好再買樓?

另外諗sir見炒股成功的人無論在行為或性格上都屬獨特,見股市都是大部份人輸錢,因此只有行為及想法少數的人才能生存,坦白講睇年報或者睇新聞做過些大路野想炒股大賺的,只令成功率更低。

買樓真是對嗎?

頭兩間樓,到老1自住1收租是必需品,你可以在樓市比高位低10-15%之時,用20%首期上會,那風險就很低。原因是比高位低10%時用20%首期上會,即樓價比高位直跌30%係才「負資產」有機會被銀行call loan。

樓價大跌超30%,近30年來只在97-99年試過,高位跌40%。而當年炒股極盛,樓市有「摸貨」。現時樓市月成交只5-6千宗平均,同當年比只小巫見大巫,故預買完跌30%安全系數足夠。而現時中原城市指數在180點左右,比高位190點低約6%,即係如果你搵到盤比市價低5%,不妨出手! 諗sir 買樓powerteam服務亦樂意同你搵筍盤。

更多文章:【理財個案分析】求上車人士必睇!筍盤獨孤7劍

咁如果做點開始?

如果實力充足不妨居屋都賣埋,套錢去父婦一人一間入兩間私樓。始終私樓日後加按易,你易加按才可將樓一繳二再完成三宅。另外私樓叫價易升,開則亦易累到有錢人。上星期諗sir去左雅濤闆睇樓,三房591開則房大但廳細,而其中一個廁更是沒沖涼位,呢類則係實用,省係個廳而大係個房。不過此等開則開價到咁價位即止步,鐘意招呼下朋友或者要點面子的人唔會要。人都係第一步求實用,下步求體面,再去先面子同話比人知有幾奢華,而居屋是實用層。若你認為家庭收入主要在30k-70k上落,咁不妨居屋。

更多文章:銀行趁低息劏客 槓盡買債上路

奢華既樓,諗sir同Bob三月去睇了一間,之後陸續有來。

至於讀者由於儲蓄能力一般,咁不如保留居屋而再買間私樓。不同意他提出的慈雲山寶發,新葵芳花園、及兆康

新葵芳花園: 有客同我地powerteam同事談此屋苑,最攪笑當區經紀自己都講:「呢度成18k呎,出去連九龍都買到了~」

慈雲山寶發: 唔好租,爭1-2千租客絕對會搵方便的

兆康: 如實力真受限,諗sir自己都拍片介紹過。成屋「高達」個輯片。不過已告知讀者居屋的問題,他還是不要揸哂兩間老居了。

仲有借貸力建議再計一次好一點,好多朋友搵我地計完,先知借到既未必如佢想像中咁少。

【編按:以上內容為作者之個人意見及立場】

相關文章

【理財個案2021】買樓定買股票的決定

【物業按揭】估價或跟不上樓價升幅 高追買家須留神

【樓市動向】大手買家尋求專業按揭中介更得心應手

【理財個案分析】買樓上車「最後機會」 麗港城定烏溪沙?

緊貼新冠肺炎最新相關資訊