我是TEDV69的學生，現有買樓個案想查詢，如蒙諗sir解答不勝感激。
我(41歲，月入2萬2)與老公(40歲，月入3萬)均為公務員，於2018年以432萬(尚餘按揭343萬)買入Park Yoho開放式單位，該單位為我單名持有，因當時未有”林鄭plan”，故陰差陽錯下作出此決定。
我們的流動資金如下：
現金12萬
股票23萬
基金8萬
現盤算著換樓，例如大角咀屋苑細兩房，但來回的印花稅著實不少，而且要用盡我們的借貸力，還是保持現狀好？究竟要如何部署，才可實現”兩樓一份債”？
任性的窮夫妻
ANSWER:
讀者真係要感謝政府，糧係政府出，樓如果唔係有HKMC提供高成數，應唔能夠上會，佢真係要感恩準時交稅最好比突買埋儲稅券。
四十出頭只幾十萬儲蓄仲有間大半未供既樓，咁既情況都係主講點樣向前望。同埋先話你知2樓1份債月收兩萬幾照有得攪。
先望下手上幅牌:
由於買YOHO只用了單名，用老公名買第二間樓難度不大，又可九成上會。問題反而係原本間樓如果租出，按規矩要結欠少於市價50%，如偷偷租出公務員比較少做。當然市面亦有人諗好哂段稿，然後租比朋友，諗sir只能提示多人做既事未必一定對。
更多文章：4個銀行唔想你知嘅理財秘密
一簡單解決方法是將原居賣走，搵地方住陣先，然後再買:
若yoho唔賣而先買新一間樓，要先付15%印花稅，你證明到原本間樓(本例: park yoho)半年內賣走才會把收突的稅款退回。例如買間新二手樓700萬，先比突105萬然後證明到你原本間樓有沽出，稅局才會將比突的80幾萬比你，因700萬樓原本印花稅係20萬左右。讀者換樓就係卡住係度。
當然，只係100萬內，又係公務員，信安兄弟一定走出黎講:「唔怕，我地撐你!」但留意如果買樓之前半年內業主借過錢落了信貸資料庫，銀行就會懷疑你報既首期來源是否真由自己儲蓄。
更多文章：4000K月住係第一城，買樓秘技你要識!
二是唔賣原居，慳稅直買第二間?
夫婦兩人借貸力共(22000+30000)/10000*50%*2.59 ~ 660萬。買Park Yoho開放式已用借貸力一半(343萬)，加上最不安是元朗區的細單位諗sir唔看好。你問下班菲傭姐姐佢地夾份租個劏房擺野或者聚會都係租元朗多，點解? 所以諗sir提議不妨趁今次置業換走埋手上件次貨。無聽讀者講佢地有小朋友，就當有只要租個迷你倉再去些清靜既酒店攪個月租PLAN，十分容易。
將原居賣走，留意賣完一定要盡快補買間返另一間就成，最怕你賣左樓將回籠的百萬款項拎左去炒股，話「股市幫你上四房」，咁就真係幫唔到手。
更多文章：4個銀行唔想你知嘅理財秘密
步驟:
賣樓後夫婦返錢百幾萬再加埋幾十萬儲蓄，近200萬資金加上660萬借貸力，3年內每人單名買一間合共兩間，絕有可能。上車你可以諗荃灣，如果在市區工作荃灣比元朗方便，更有唔少上車盤選擇。
荃灣兩房450-550萬有盤，首期只需50萬左右，借400幾萬夫婦合力夠借。買後資金淨130-150萬
債基先收息: 由於是穩陣買樓錢，咁不如投C餐收息，C餐是眾多債基餐之中最低波幅，但派息低少少只8%。不過遇上跌市抗跌力很強。留意利用收息助教的適量槓桿才可達8%，而唔係好似股票咁就買。
更多文章：疫情下40歲生意人好唔好再買樓？
150萬收8%息，即1個月派成1萬派息，敢講就當打個七折只月派7千，已能大大改善讀者財政。由於力弱不宜強出頭，佢不如收番2-3年息即有多30萬左右係手，等於大半個首期在手後才用夫婦另一個人名去高成數買第二間樓，完成「2樓1份債」收兩至三萬被動收入的中途站目標!
當然下一間樓如有違規情況偷租出，讀者係時候花時間了解及早作出準備。萬事都要逼埋黎先做，效果差生活難就肯定。
