2020-08-07

962

孩子成日爆喊點算好?家長先要明白子女爆喊原因

作為父母,邊一個想子女日喊夜喊?當小朋友踏入2歲,佢哋便處於自我中心階段,每次遇上自己鍾意或想得到嘅嘢,都想即刻擁有。只要佢哋當下得不到,就會發脾氣、大聲叫、甚至乎狂喊去表達自己嘅訴求。呢個情況相信唔少家長都有遇過,有時真係聽到心都煩,但除咗安撫佢哋,家長仲可以點做?

熱門討論區:三歲仔日喊夜喊 喊到我好心煩 

更多文章:子女愛發脾氣又常作出攻擊行為?7大改善策略話你知!

唔想子女成為「大喊包」,第一步要做嘅,係要明白佢哋喊嘅原因。而絕大部份哭鬧嘅原因,都係由欲望引致,只係佢哋未懂得以適當語言去表達,先會以尖叫或嚎哭來表達不滿。講到呢到,我諗好多家長每次見到小朋友爆喊都會心軟,只要唔過份嘅要求都會盡量去做,但其實家長們要明白自己並唔可以永遠無條件地滿足孩子所有要求,倘若讓孩子知道哭鬧可以幫佢哋達到目的,下次有訴求時都會從重思故技,繼續以大吵大鬧去作為滿足要求嘅手段。

可能有家長會問,咁只要子女扭計爆喊嘅時候,狠下心腸說「不」咪可以解決問題?對於一啲不會理嘅要求,當然唔可以作出遷就。但最重要嘅,係要了解子女真正需要嘅係乜嘢:玩具?學習用品?好奇?想尋找關注?定只係無理取鬧?喺子女爆喊期間,家長還要緊記唔好叫佢哋:「唔好再喊!」因一般嘅孩子都係以哭鬧來表達不滿,你愈叫佢哋只會愈喊,反而需要冷靜清楚咁去同孩子講:「請你冷靜,你安靜之後我哋先可以繼續對話。」畀少少時間佢哋,再慢慢理解佢哋喊嘅原因更好。

熱門討論區:三歲仔日喊夜喊 喊到我好心煩 

更多文章:子女愛發脾氣又常作出攻擊行為?7大改善策略話你知!

2歲或以上嘅小孩,一般都可理解簡單嘅指示,若孩子依然哭鬧不停,無法冷靜,家長則可以把孩子帶去另一個地方,再重覆提出指令,讓他們冷靜下來。當小孩不再哭鬧,家長就可以直接向佢哋詢問,聆聽孩子點解要不停扭計,睇下會唔會有地方係自己忽略咗,例如曾經答應過送嘅物品卻一直忘記等原因。而喺溝通過程中,父母要表達出對孩子的重視,盡力了解佢哋嘅想法,唔好立刻打斷佢哋嘅說話。

了解過後,若子女哭鬧真係純粹「想要」,不妨試下以下做法,去回應寶寶嘅訴求!

1. 先向孩子表達自己明白他們的心情,倒如說:「呢個玩具好得意,媽咪都好鍾意,我都知你好想要。」

2. 再向孩子解釋購買前需要考慮嘅因素,引導孩子思考想要嘅嘢唔一定要即刻擁有,例如說:「屋企已經無位再放玩具,若果依家買返去,呢份玩具要過住好逼嘅生活,咁呢份玩具會開心嗎?」

3. 告訴孩子可以一起努力,例如說︰「不如我哋先返屋企執好位置,騰出足夠空間先再嚟買。」

4. 或建議其他小朋友鍾意做嘅事去替代買新玩具,例如一齊去郊遊、踩單車等等。

【編按:以上內容為作者之個人意見及立場】

相關文章

幼兒情緒管理,先由父母做起

爸爸的小技巧:一下聲音就停止嬰兒哭

寶寶大哭了,媽媽怎麼辦?

緊貼新冠肺炎最新相關資訊