中小學及K3幼稚園學生於5月27開始，分3階段復課。 至於K1及K2嘅幼齡學童，本學年並唔會復課。 唔少K1及K2 家長都表示雖然預料之中，但望住屋企個小朋友日日好似野人咁跑嚟跑去，愈來愈唔守規矩，都擔心一旦開學點收心養性。有見及此，家長們應盡早為小孩提供「模擬校園生活」，幫助他們輕鬆重投校園生活。
討論區熱話：停課停到個仔愈嚟愈曳
幼齡學童始終自覺性不如其他年齡小朋友，要調整佢哋復課心情，總唔可以操之過急，逐步慢慢培養佢哋會比較好。
和小朋友一起回想日常校園生活
放假已經一段長時間，好多事都已經忘記咗。不妨同小朋友閒談中，問平時由朝早到放學，係學校順序會有咩事發生。輕鬆傾談之餘，亦可以喚醒校園生活的記憶和興趣。 例如：平時返到學校第一件事會做咩？ 又或者：老師會有咩遊戲俾你哋玩？ 從而令小朋友日常話題中，開始加返校園呢個元素。
更多文章：7項復課必備用品 讓孩子做足準備！
循序漸進安排每日時間表
調整每日活動時間表，亦係一項重要復課訓練。現時大多數小朋友在家休息，無論作息時間、學習、玩樂時間都與以往要返學唔一樣。既然K1同K2 學童如無意外會於九月先開學，時間相當充足，可以逐個月提早上床起床時間，例如今個月要十點上床休息，九點起床。 下個月再提早一個鐘，按部就班去俾小朋友適應。 除咗作息時間，亦要逐步每天加入學習、活動同玩樂時間，等佢哋慢慢投入復課節奏同規律。
更多文章：7項復課必備用品 讓孩子做足準備！
用趣味學習去去吸引小朋友備課
經過一段時期嘅「開心時間」，都要為小朋友鞏固返知識。以免開學後因其他新知識而追唔返進度。 不過，一時三刻要小朋友由拎玩具變返拎書，真係比較勉強，太過強勢亦引唔起佢哋興趣。 不妨試吓以輕鬆地進行問答比賽，提問以往學過嘅舊知識，去加深小朋友記憶。 答啱咗，可以加以稱讚及獎勵，答錯咗，亦可以再次一起學習課題。
